Անձնակազմի դաշտային վարժվածության մակարդակը բարձրացնելու, հրամանատարական կազմի ունակություններն ու կրակի կառավարման հմտությունները կատարելագործելու նպատակով 5-րդ զորամիավորման հրետանային ստորաբաժանումներն անցկացրել են գործնական պարապմունք:

Օգոստոսի 3-ին 4-րդ զորամիավորման զորամասերում իրականացվել են հանկարծակի ստուգումներ։ Զորամիավորման վարչակազմը և ապահովման ստորաբաժանումները բերվել են մարտական պատրաստականության բարձր աստիճանի։

Սպաների տեսական գիտելիքները ստուգելու և գործնական հմտությունները կատարելագործելու նպատակով օգոստոսի 3-ին 1-ին զորամիավորման վարչակազմի հետ անցկացվել է կրակային պատրաստության գործնական պարապմունք։

Օգոստոսի 1-ին 2-րդ զորամիավորումում ամփոփվել են 2020 թվականի երկրորդ եռամսյակում զորամասերում կատարված աշխատանքների արդյունքները։ Զորամիավորման հրամանատարի տեղակալները զեկուցել են հաշվետու ժամանակահատվածում մարտական պատրաստության և պատրաստականության, թիկունքային ապահովման, զինվորական կարգապահության վիճակի, ձեռքբերումների ու բացթողումների մասին, ինչպես նաև քննարկվել են առկա խնդիրների լուծման տարբերակները:

Հաստիքային զենքից կրակի վարման հմտությունները կատարելագործելու նպատակով 3-րդ զորամիավորման զորավարժարաններից մեկում օգոստոսի 3-ին անցկացվել է կրակային պատրաստության գործնական պարապմունք։

ՀՀ ՊՆ Վ. Սարգսյանի անվան ռազմական համալսարանում պաշտպանության նախարարի տեղակալ Գ. Բալայանի նախագահությամբ անցկացվել է 2020-2021 ուսումնական տարվա դիմորդների ընդունելության հանձնաժողովի նիստը:

ՀՀ ԶՈՒ ԳՇ զորքերի ծառայության վարչության սպաները շրջայց են կատարել Երևանի կայազորի զորամասերում՝ ստուգելու օրվա վերակարգերի ծառայության կազմակերպումը, անցագրային ռեժիմի պահպանումը, «Անվտանգության օր» միջոցառումների անցկացումը: Շրջայցի ընթացքում զորքերի ծառայության նախապատրաստության համար շտաբերին ցուցաբերվել է մեթոդական օգնություն: