Հունիսի 18-ից 19-ը 4-րդ զորամիավորման զորամասերի ուսումնական ստորաբաժանումների սպաների ու ենթասպաների մասնակցությամբ անցկացվել են մեթոդական հավաք-պարապմունքներ:

Զինծառայողների մասնագիտական հմտությունների կատարելագործման նպատակով գործնական պարապմունքներ են անցկացվել 3-րդ զորամիավորման N​ զորամասի հրետանային ստորաբաժանումների ներգրավմամբ։

Հաստիքային զենքից կրակի վարման անհատական վարժվածության կատարելագործման նպատակով հունիսի 18-ին 2-րդ զորամիավորման հատուկ նշանակության ստորաբաժանումների զինծառայողներն անցկացրել են հրաձգության պարապմունք:

Հունիսի 18-ին 1-ին զորամիավորման տանկային ստորաբաժանումներից մեկի զինծառայողներն անցկացրել են մեքենավարման պարապմունք:

Մարտական գործողությունների վարման եղանակները զինծառայողներին ուսուցանելու նպատակով 5-րդ զորամիավորման զորավարժարաններից մեկում անցկացվել է գործնական պարապմունք։

4-րդ զորամիավորման ենթակայությամբ գործող զորամասերից մեկի հրաձգարանում հունիսի 17-ին անցկացվել է մարտական հրաձգությամբ ցուցադրական պարապ­մունք:

3-րդ զորամիավորման N զորամասում անցկացվել են ռադիացիոն, քիմիական և կենսաբանական պաշտպանության մարզումներ։