Զինծառայողների կեցության պայմաններին, դիրքերում ընթացող ամրաշինական աշխատանքներին ծանոթանալու նպատակով 5-րդ զորամիավորման N զորամասի մարտական հենակետերում անցկացվել են ստուգայցեր:

Հունիսի 1-ին 4-րդ զորամիավորման N զորամասի զինծառայողներն անցկացրել են մարտական հրաձգությամբ ցուցադրական մարտավարական զորավարժություն՝ «Վաշտը պաշտպանությունում» և «Վաշտը հարձակման ընթացքում» թեմաներով:

Սպայական կազմի տեսական և գործնական գիտելիքները զարգացնելու նպատակով հունիսի 1-ից 2-ը 1-ին զորամիավորումում անցկացվել են շտաբային մարզումներ:

Մարտական գործողությունների ժամանակ կտրուկ փոփոխվող իրավիճակներում հրամանատարների արագ և նպատակային որոշումներ կայացնելու ունակությունները կատարելագործելու նպատակով 5-րդ զորամիավորման զորամասերից մեկում անցկացվել է շտաբային մարզում:

4-րդ զորամիավորման հրետանային ստորաբաժանումների զինծառայողները հունիսի 1-ին անցկացրել են գործնական մասնագիտական պարապմունքներ։

Կրակի վարման անհատական վարժվածությունը կատարելագործելու նպատակով 2-րդ զորամիավորման զորամասերից մեկի զինծառայողներն անցկացրել են գործնական պարապմունք` տարբեր տրամաչափի զենքերով:

Անձնակազմի հանգիստն արդյունավետ կազմակերպելու նպատակով 1-ին զորամիավորման N զորամասի զինծառայողների մասնակցությամբ դաշտային պայմաններում անցկացվել են կիրակնօրյա միջոցառումներ: