Ապրիլի 30-ին 4-րդ զորամիավորումում անցկացվել է «Ուժեղացված հրաձգային գումարտակի հարձակումը լեռնային պայմաններում, կարևոր բարձունքների գրավումը և բարելավումը մինչև հիմնական ուժերի մոտենալը» թեմայով առաջիկա մարտական հրաձգությամբ մարտավարական զորավարժության ղեկավար կազմի հրահանգավորում:

Անհատական վարժվածության և խմբերի փոխգործակցության մակարդակն ամրապնդելու նպատակով ապրիլի 30-ին 5-րդ զորամիավորման հատուկ նշանակության ստորաբաժանումների զինծառայողները բարդ լեռնային պայմաններում անցկացրել են մարտավարական մասնագիտական վարժանքներ:

Անձնակազմի տեսական և գործնական մասնագիտական գիտելիքներն ու հմտությունները կատարելագործելու, դաշտային վարժվածության մակարդակը և մարտական խնդիրների կատարման ժամանակ գործողությունների ներդաշնակումը զարգացնելու նպատակով 3-րդ զորամիավորման հրետանային ստորաբաժանումների ներգրավմամբ անցկացվում են ճամբարային հավաքներ:

1-ին զորամիավորման հակաօդային պաշտպանության ստորաբաժանումների զինծառայողների տեսական գիտելիքներն ստուգելու և գործնական հմտությունները կատարելագործելու նպատակով ապրիլի 30-ին անցկացվել են մասնագիտական վարժանքներ։

Զորամիավորումներում և զորամասերում շարունակվում են սպառազինության և ռազմական տեխնիկայի սեզոնային սպասարկման աշխատանքները:

Անձնակազմի մասնագիտական գիտելիքների ամրապնդման և մարտական տարբեր իրավիճակներում օպերատիվ գործողությունների պլանավորման աշխատանքների կազմակերպման նպատակով ապրիլի 29-ին 5-րդ զորամիավորումում, օպերատիվ և մարտավարական օղակի սպաների ներգրավմամբ, անցկացվել է հավաք-խորհրդակցություն:

Հաստիքային զենքով կրակի վարման հմտությունների կատարելագործման, զինծառայողների անհատական վարժվածության մակարդակի ամրապնդման նպատակով ապրիլի 28-ին 4-րդ զորամիավորման զորամասերից մեկի հրաձգարանում վարչակազմի սպաներն անցկացրել են կրակային պատրաստության տեսական և գործնական պարապմունք։