Մարտական պայմաններում՝ կտրուկ փոփոխվող իրավիճակներում հրամանատարական կազմի արագ և նպատակային որոշումներ կայացնելու ունակությունները զարգացնելու նպատակով 4-րդ զորամիավորման ենթակայությամբ գործող Գարեգին Նժդեհի անվան զորամասում ապրիլի 20-ից 21-ն անցկացվել են շտաբային մարզումներ:

Ապրիլի 21-ին 1-ին զորամիավորման N զորամասի մոտոհրաձգային ստորաբաժանումների զինծառայողներն անցկացրել են հետևակի մարտական մեքենայի վարման գործնական պարապմունք։

Անձնակազմի մասնագիտական հմտությունները կատարելագործելու և պատրաստության աստիճանը բարձրացնելու նպատակով ապրիլի 21-ին 1-ին զորամիավորման հրետանային ստորաբաժանումների զինծառայողներն անցկացրել են գործնական պարապմունք։

Զորամիավորումներում շարունակվում են սպառազինության սեզոնային սպասարկման աշխատանքները:

Հաստիքային զենքով կրակի վարման և սպաների անհատական պատրաստության ամրապնդման նպատակով ապրիլի 20-ին 4-րդ զորամիավորման վարչակազմի հետ անցկացվել է կրակային պատրաստության գործնական պարապմունք:

3-րդ զորամիավորման հատուկ նշանակության ստորաբաժանումներից մեկում ապրիլի 20-ին անցկացվել են մարտավարական մասնագիտական պարապմունքներ, կրակային պատրաստության անհատական և խմբային վարժանքներ:

1-ին զորամիավորման N զորամասի տանկային վաշտերի ներգրավմամբ անցկացվել է մարտավարական զորավարժություն: