3-րդ զորամիավորման N զորամասում ապրիլի 2-ին անցկացված մարտական հերթափոխի նախապատրաստական աշխատանքների ժամանակ ստուգվել են անձնակազմի հանդերձանքը, սպառազինությունն ու ռազմական տեխնիկան, կատարվել են հերթափոխի մեկնող զինծառայողների ջերմաչափման և մարտական տեխնիկայի ախտահանման աշխատանքներ:

Անձնակազմի մասնագիտական կարողությունները կատարելագործելու նպատակով 3-րդ զորամիավորման հրետանային զորամասերից մեկում անցկացվել են մարտավարական-մասնագիտական գործնական պարապմունքներ։

Զինծառայողների մասնագիտական պատրաստությունն ամրապնդելու և մարտական տեխնիկայի վարման հմտությունները զարգացնելու նպատակով 1-ին զորամիավորման ուսումնական կենտրոնում մոտոհրաձգային և տանկային ստորաբաժանումների զինծառայողների հետ ապրիլի 1-ից 2-ն անցկացվել են հետևակի մարտական մեքենայի և տանկի վարման գործնական պարապմունքներ:

Ապրիլի 2-ին ՀՀ պաշտպանության նախարար Դավիթ Տոնոյանն այցելել է ՊՆ «Զինուժ» Մեդիա» պետական հիմնարկ, հետևել վերանորոգման և վերազինման աշխատանքների ընթացքին։

Զինծառայողների մասնագիտական գիտելիքները զարգացնելու նպատակով 5-րդ զորամիավորման զորամասերից մեկի հրետանային ստորաբաժանումների ներգրավմամբ ապրիլի 1-ին անցկացվել են գործնական պարապմունքներ:

Զինված ուժերի զորամիավորումներում շարունակվում են նորակոչիկ զինծառայողների պատրաստության ծրագրով նախատեսված պարապմունքները:

Ապրիլի 1-ին 2-րդ զորամիավորման զորամասերից մեկի վարչակազմի հետ անցկացվել են շտաբային մարզումներ: