Մարտի 16-ից 20-ը ՀՀ ԶՈւ ԳՇ զորքերի ծառայության վարչության պետ, գնդապետ Ա.Պետրոսյանը ստուգայց է կատարել զինված ուժերի մի շարք զորամասերում և կայազորային զինվորական հոսպիտալներում:

Մարտի 18-ին «Խաղաղության մարտիկ» մրցույթի նախապատրաստական փուլի շրջանակում 5-րդ զորամիավորման զինծառայողները մասնակցել են «Էրուդիտ» մրցաձևին:

4-րդ զորամիավորման N զորամասում անցկացվել են հրամանատարաշտաբային մարզումներ:

Զորքերի մարտական պատրաստության և պատրաստականության ստուգման նպատակով 2-րդ զորամիավորման զորամասերում անցկացվել են տեսչական ստուգումներ:

Մարտի 19-ին ՀՀ ԶՈւ կապի զորքերի պետ-կապի և ԱԿՀ վարչության պետ, գեներալ-մայոր Թ. Շահնազարյանի ղեկավարությամբ անցկացվել է մարտավարական-մասնագիտական հավաք-պարապմունք 1-ին զորամիավորման կապի ստորաբաժանումների ներգրավմամբ:

Մարտի 18-ին ՀՀ զինված ուժերի գլխավոր շտաբի պետ, գեներալ-լեյտենանտ Արտակ Դավթյանն աշխատանքային այցով եղել է հյուսիսարևմտյան ուղղությամբ տեղակայված զորամասերում:

5-րդ զորամիավորման զորամասերում մարտի 18-ին անցկացվել են «Անվտանգության կանոնների պահպանումը և ապահովումն առօրյա ծառայության կազմակերպման ժամանակ» թեմայով պարապմունքներ: