Տարածաշրջանում, մասնավորապես՝ Իրանի Իսլամական Հանրապետությունում արձանագրված նոր կորոնավիրուսային հիվանդության դեպքերի հետ կապված, փետրվարի 25-ից ՀՀ ԶՈւ բոլոր զորամասերում արգելված են զինծառայողների ծնողների և հարազատների այցելությունները, պարտադիր ժամկետային զինծառայողների բոլոր տեսակի արձակուրդներն ու ազատ արձակումները, այդ թվում՝ վերականգնողական (բուժական) արձակուրդների տրամադրումը (բացառությամբ «Ես եմ» ծրագրով զինվորական ծառայություն անցնող զինծառայողների):

Փետրվարի 25-ին 5-րդ զորամիավորման ենթակայությամբ գործող զորամասերից մեկի կին զինծառայողների մասնակցությամբ անցկացվել է զինվորական երդման հանդիսավոր արարողություն:

Փետրվարի 25-ին 5-րդ զորամիավորումում անցկացվել է շախմատի թիմային առաջնություն՝ մարտական բաժնի ֆիզիկական պատրաստության և սպորտի պետ, փոխգնդապետ Արծրուն Հովհաննիսյանի ղեկավարությամբ:

Փետրվարի 25-ին ՀՀ ՊՆ վարչական համալիրում՝ ՀՀ ԶՈւ գլխավոր շտաբի պետ, գեներալ-լեյտենանտ Ա. Դավթյանի ղեկավարությամբ, անցկացվել են մարտական պատրաստականության մարտավարաշարային պարապմունքներ:

Փետրվարի 23-ին Գյումրիում տեղակայված ռուսաստանյան 102-րդ ռազմակայանում նշվել է ՌԴ Հայրենիքի պաշտպանի օրը։

Անձնակազմի մարտական պատրաստության աստիճանը, բարոյահոգեբանական վիճակը և մարտական հենակետերի ապահովվածությունը ստուգելու նպատակով փետրվարի 24-ին 5-րդ զորամիավորման հրամանատարի բարոյահոգեբանական ապահովման գծով տեղակալը N զորամասի պահպանության գոտու մարտական հենակետերում անցկացրել է անակնկալ ստուգումներ:

Փետրվարի 23-ին 2-րդ և 4-րդ զորամիավորումներում տեղի են ունեցել նորակոչիկ զինծառայողների երդման հանդիսավոր արարողություններ: