Փետրվարի 20-ին 2-րդ զորամիավորման զորամասերից մեկում ամփոփվել են անցկացված մարտավարաշարային պարապմունքների արդյունքները:

Զինված ուժերի զորամիավորումներում և զորամասերում շարունակվում են մարտավարաշարային պարապմունքները:

Փետրվարի 19-ին 2-րդ զորամիավորումում հայտարարվել է ուսումնական տագնապ, զորամասերը բերվել են մարտական պատրաստականության «բարձր» աստիճանի: Անձնակազմը հանդերձավորվել է, ստացել զենք-զինամթերք և գործել մարտական հաշվարկի համաձայն:

Երեւանի Ռոբերտ Աբաջյանի անվան դպրոցի աշակերտները 5-րդ զորամիավորման զորամասերից մեկում փետրվարի 19-ին՝ Հովհաննես Թումանյանի ծննդյան օրը, անցկացրել են միջոցառում նվիրված հայ մեծանուն բանաստեղծին: Ընթերցվել են թումանյանական տողեր, ելույթ է ունեցել դպրոցի երգչախումբը:

Փետրվարի 19-ին երկօրյա պաշտոնական այցով Վրաստան է մեկնել ՀՀ ԶՈւ գլխավոր շտաբի պետ, գեներալ-լեյտենանտ Արտակ Դավթյանի գլխավորած պատվիրակությունը:

4-րդ զորամիավորման հրամանատար, գնդապետ Ա. Բուդաղյանը ծառայողական պարտականությունները կատարելիս ցուցաբերած անձնվիրության համար հետմահու ՀՀ նախագահի կողմից պետական պարգևի արժանացած պայմանագրային զինծառայողներ՝ կրտսեր սերժանտ Տիգրան Արզումանյանի, կրտսեր սերժանտ Նվեր Շահբազյանի և շարքային Կարապետ Նազարյանի ծնողներին է հանձնել «Մարտական ծառայության» մեդալները:

Փետրվարի 17-ին և 18-ին 5-րդ զորամիավորման զորամասերում անցկացվել են մարտավարաշարային պարապմունքներ: