Ինժեներասակրավորային վաշտերի հրամանատարների մասնագիտական պատրաստվածության աստիճանը ստուգելու, ստորաբաժանումների ղեկավարման կարողությունները կատարելագործելու նպատակով 4-րդ զորամիավորումում անցկացվել են եռօրյա հավաքներ:

Փետրվարի 6-ին 2-րդ զորամիավորման զորամասերից մեկում, զորամիավորման շտաբի պետի ղեկավարությամբ, անցկացվել է սպաների և ժամկետային զինծառայողների հավաք-պարապմունք:

Փետրվարի 7-ին ՀՀ ՊՆ ռազմական ոստիկանությունը, պաշտպանության նախարար Դավիթ Տոնոյանի հրամանով, անսպասելի ստուգայցեր է իրականացրել ԶՈՒ բազմաթիվ զորամասերում՝ ստուգելու զինվորական կարգապահության վիճակը, մասնավորապես՝ մարտական պատրաստության դասընթացներին զինծառայողների մասնակցությունը։

Փետրվարի 6-ին ՀՀ պաշտպանության նախարար Դավիթ Տոնոյանն ընդունել է հունվարի 30-ին ՊԲ N զորամասում մահացած ժամկետային զինծառայող Վահրամ Ավագյանի հարազատներին։

Փետրվարի 6-ին ՀՀ ՊՆ վարչական համալիրում անցկացվել է պաշտպանական համակարգում բարձր տեխնոլոգիական լուծումների ստեղծման, ինչպես նաև զորակոչիկների մասնագիտական կարողությունները պարտադիր զինվորական ծառայության ընթացքում առավել արդյունավետ օգտագործելու նպատակով կազմավորվող «1991 ստորաբաժանման» գործունեության կազմակերպմանը նվիրված քննարկում-խորհրդակցություն, որը վարել է պաշտպանության նախարարի տեղակալ Գաբրիել Բալայանը։

Հայ զինվորականը հայ մանուկի անվտանգության առաջին երաշխավորն է, մեր գալիքի, մեր շարունակականության երաշխավորը, և պատահական չէ, որ ազգային բանակի տոնական միջոցառումներից անմասն չէին նաև մանկապարտեզներն ու դպրոցները:

Հունվարի 28-ին՝ Հայոց բանակի օրը, Արցախում նշվում է նաև Հայրենյաց պաշտպանի օրը: Այս փառապանծ տոների առթիվ շնորհավորական ուղերձով հանդես է եկել Արցախի նախագահ Բակո Սահակյանը: