Հունվարի 21-ից 24-ը ՀՀ ԶՈՒ պատրաստության գլխավոր վարչության ֆիզիկական պատրաստության և սպորտի վարչությունում անցկացվել է ՀՀ ՊՆ կենտրոնական մարզական խորհրդի նիստը:

Հունվարի 21-ից 23-ը ՀՀ ԶՈՒ ԳՇ զորքերի ծառայության վարչության սպաները զորամիավորումներում անցկացրել են դասակներ հրամանատարների հավաքներ:

4-րդ զորամիավորման ենթակայությամբ գործող Գարեգին Նժդեհի անվան զորամասում տեղի է ունեցել պարտադիր ժամկետային զինծառայողների երդման հանդիսավոր արարողություն, որին մասնակցել և նորակոչիկ զինծառայողներին խաղաղ ծառայություն են մաղթել զորամասի հրամանատարական կազմն ու զինծառայողների հարազատները:

3-րդ զորամիավորման զորամասերից մեկում հունվարի 23-ին իրականացվել են մարտական հերթափոխի նախապատրաստական աշխատանքներ։

Հունվարի 23-ին 1-ին զորամիավորման հրամանատարի տեղակալ, գնդապետ Արթուր Թումանյանը ենթակա զորամասերի հրամանատարների բարոյահոգեբանական ապահովման գծով տեղակալներին է ներկայացրել «Հասարակական-պետական պատրաստություն» առարկայի ուսուցման կազմակերպման և անցկացման կարգը: Առարկայի ուսուցումը միտված է բարձրացնելու սպաների տեսական գիտելիքների և անձնակազմի բարոյահոգեբանական ոգու ամրապնդմանը:

5-րդ զորամիավորման հրամանատարական կազմն ու զինծառայողները հունվարի 23-ին Սուրբ Աստվածածին եկեղեցում մասնակցել են Ջրօրհնեքի արարողությանը, որը կատարել է ՀՀ ԶՈւ հոգևոր առաջնորդ Տեր Վրթանես եպիսկոպոս Աբրահամյանը:

Ենթակա ստորաբաժանումների զինծառայողների տեսական գիտելիքներն ու գործնական հմտությունները մարտական պատրաստականության «Բարձր» աստիճանի բերման ժամանակ կատարելագործելու, անձնակազմի գործողությունները հստակեցնելու նպատակով 4-րդ զորամիավորման զորամասերից մեկում հայտարարվել է ուսումնական տագնապ։