ՀՀ ԶՈՒ գլխավոր շտաբի օպերատիվ վարչության պետ-ԶՈՒ ԳՇ պետի տեղակալ, գեներալ-մայոր Տ. Խաչատրյանի գլխավորած պատվիրակությունը մասնակցում է ՀԱՊԿ միացյալ շտաբում անցկացվող «2021-2025թթ. ՀԱՊԿ անդամ պետությունների ռազմական համագործակցության զարգացման պլանի» նախագծի քննարկման խորհրդատվություններին:

Ի կատարումն Միջպետական ավիացիոն կոմիտեի 2019թ. աշխատանքային պլանի՝ ՀՀ ՊՆ ներկայացուցիչները մասնակցում են նոյեմբերի 19-ից 21-ը Մոսկվայում անցկացվող Ավիացիայի թռիչքների ապահովման համագործակցության և միջազգային աէրոնավիգացիայի համակարգող հանձնաժողովի 20-րդ նիստին և օդային տարածքի օգտագործման կազմակերպման բնագավառում ռազմաքաղաքացիական համակարգման հարցերի քննարկմանը:

Նոյեմբերի 19-ին ՀՀ պաշտպանության նախարար Դավիթ Տոնոյանն ընդունել է ՀՀ-ում Միացյալ Թագավորության դեսպանության գործերի ժամանակավոր հավատարմատար Դեյվիդ Մորանին:

Լոռու մարզի Գուգարք համայնքի հանրակրթական դպրոցներից մեկում 3-րդ զորամիավորման սպաները՝ «Դասը վարում է սպան» ծրագրի շրջանակներում, անցկացրել են նախնական զինվորական պատրաստության պարապմունք:

Նոյեմբերի 18-ին 2-րդ զորամիավորման ենթակայությամբ գործող զորամասերից մեկում անցկացվել են կրակային պատրաստության պարապմունքներ:

Զինծառայողների պատրաստվածությունն ստուգելու և մասնագիտական կարողությունները զարգացնելու նպատակով նոյեմբերի 18-ին 1-ին զորամիավորման ենթակայությամբ գործող տանկային ստորաբաժանումների զինծառայողներն անցկացրել են մեքենավարման գործնական պարապմունքներ:

Զինծառայողների տեսական գիտելիքներն ու զենքի տիրապետման գործնական հմտությունները կատարելագործելու նպատակով նոյեմբերի 15-ին 4-րդ զորամիավորման զորամասերից մեկի հրաձգարանում անցկացվել են հրաձգության գործնական պարապմունքներ: