Մարտական իրադրությանն առավել մոտ պայմաններում վաշտի ներդաշնակումն ու զինծառայողների մասնագիտական հմտություններն ամրապնդելու և կատարելագործելու նպատակով նոյեմբերի 11-ից 12-ը 4-րդ զորամիավորումում անցկացվել է մարտական հրաձգությամբ ցուցադրական մարտավարական զորավարժություն` «Վաշտը պաշտպանությունից հարձակման անցնելիս» թեմայով։

Զինծառայողների մարտական պատրաստականության աստիճանը, անձնակազմի մասնագիտական գիտելիքներն ստուգելու նպատակով նոյեմբերի 12-ին 5-րդ զորամիավորումում հայտարարվել է ուսումնական տագնապ:

Զինծառայողների մասնագիտական պատրաստվածությունը կատարելագործելու նպատակով նոյեմբերի 12-ին 3-րդ զորամիավորման հրետանային ստորաբաժանումներն անցկացրել են 120 մմ ականանետից գործնական հրաձգության վարժանքներ:

Նոյեմբերի 12-ին 2-րդ զորամիավորումում անցկացվել է գումարտակային մարտավարական զորավարժություն՝ մարտական հրաձգությամբ:

Հրաձգային զենքի տիրապետման գիտելիքները կատարելագործելու նպատակով նոյեմբերի 12-ին 1-ին զորամիավորման ենթակայությամբ գործող N զորամասի զինծառայողներն անցկացրել են կրակային պատրաստության պարապմունքներ:

ԱՊՀ անդամ պետությունների պաշտպանության նախարարների խորհրդի 2019թ. աշխատանքային պլանի համաձայն՝ նոյեմբերի 13-ից 15-ը ՀՀ պաշտպանության նախարարությունում կանցկացվի ԱՊՀ անդամ պետությունների զինված ուժերի անօդաչու ավիացիայի կիրառման հարցերով համակարգող խորհրդի հերթական նիստը:

ՀՀ ԶՈՒ գլխավոր շտաբի օպերատիվ վարչության աշխատանքային խումբը մասնակցում է նոյեմբերի 12-ից 14-ը Մոսկվայում՝ ՀԱՊԿ միացյալ շտաբում անցկացվող ՀԱՊԿ օպերատիվ արձագանքման հավաքական ուժերի օպերատիվ ծավալման պլանի փաստաթղթերի ճշտման խորհրդատվություններին: