4-րդ զորամիավորման հրետանային ստորաբաժանումները ռազմավարական զորավարժությունների շրջանակներում իրականացրել են հարձակողական մարտի ժամանակ հրետանու խնդիրների կատարման գործնական պարապմունքներ:

Կառավարման համակարգի կայունությունը և հրամանատարական կետերի անխափան գործունեությունն ապահովելու նպատակով 4-րդ զորամիավորման զորամասերում անցկացվել են ՀՕՊ ստորաբաժանումների մարզումներ և հրաձգության գործնական պարապմունքներ:

Ռազմավարական զորավարժության շրջանակում հոկտեմբերի 1-ին 2-րդ զորամիավորման ենթակայությամբ գործող զորամասերից մեկում անցկացվել է գումարտակային մարտավարական զորավարժություն` մարտական հրաձգությամբ:

Սեպտեմբերի 30-ին 4-րդ զորամիավորման հրամանատար, գեներալ-մայոր Վ. Քոչարյանը եղել է ռազմավարական զորավարժությանն ընդգրկված զորամասերից մեկի մարտական կառավարման կետում, հետևել պահեստազորայիններով համալրված ստորաբաժանումների մարտական պատրաստության պարապմունքների ընթացքին:

Հոկտեմբերի 1-ին ՀՀ պաշտպանության նախարար Դավիթ Տոնոյանն աշխատանքային խորհրդակցություն է անցկացրել ռազմավարական զորավարժության ղեկավար կազմի հետ։

Սեպտեմբերի 30-ին 2-րդ զորամիավորման ենթակայությամբ գործող N զորամաս է այցելել Գեղարքունիքի մարզպետ Գնել Սանոսյանը:

4-րդ զորամիավորման համալրված հրետանային ստորաբաժանումներն իրականացրել են մարտական հրաձգություն Դ-30 հրետանային միջոցներից: