Օգոստոսի 29-ին ՀՀ պաշտպանության նախարար Դավիթ Տոնոյանն ընդունել է Ռուսաստանի Դաշնության պաշտպանության նախարարության ռազմական ոստիկանության պատվիրակությանը` ՌԴ ՊՆ ռազմական ոստիկանության գլխավոր վարչության պետի տեղակալ, գեներալ-մայոր Վիտալի Կոխի գլխավորությամբ:

Օգոստոսի 29-ին ՀՀ պաշտպանության նախարար Դավիթ Տոնոյանը և ՀՀ արտաքին գործերի նախարար Զոհրաբ Մնացականյանը, Երևանում անցկացվող ԱԳՆ կենտրոնական ապարատի և օտարերկրյա պետություններում ՀՀ դիվանագիտական ծառայության մարմինների ղեկավարների ամենամյա համաժողովի մասնակիցների ուղեկցությամբ, այցելել են «Եռաբլուր» զինվորական պանթեոն, հարգանքի տուրք մատուցել իրենց կյանքը Հայաստանի և Արցախի անկախության ու ազատության համար զոհաբերած հայորդիների հիշատակին:

4-րդ զորամիավորման մշտական տեղակայման վայրում օգոստոսի 27-28-ը կապի ստորաբաժանման շարժական միջոցների բացազատմամբ անցկացվել է ռադիոկապի վարժանք:

Մարտական տարբեր իրավիճակներում հրամանատարական կազմի արագ և նպատակային որոշումներ կայացնելու ունակությունները կատարելագործելու նպատակով օգոստոսի 27-28-ը 4-րդ զորամիավորման ենթակայությամբ գործող զորամասերից մեկում անցկացվել են շտաբային մարզումներ:

ՀՀ ՊՆ Վ. Սարգսյանի անվան ռազմական համալսարանում տեղի ունեցավ Ռուսաստանի Դաշնության ռազմաուսումնական հաստատություններ ընդունված դիմորդների երդման արարողությունը: Հանդիսավոր արարողությանը ներկա էին բարձրաստիճան զինվորականներ, դիմորդների ծնողներն ու հարազատները:

Հանրապետության հյուսիսարևելյան դարպասի պաշտպանությունը հուսալիորեն իրականացնող զորամասերից մեկում ենք: Արդեն մի քանի օր է, ինչ այստեղ և մյուս զորամասերում մեկնարկել է ուսումնական երկրորդ կիսամյակը:

Սերժանտ Մանուկ Մանուկյանը դիրքի ավագն է: Արտաքինից դատելով՝ կլինի 27-28 տարեկան, բարձրահասակ է, թուխ, ձիգ ու բարեկազմ: Նա մեզ դիմավորում է դիրքի մատույցներում: