5-րդ զորամիավորման հրամանատարի ղեկավարությամբ զորամիավորման և ենթակա զորամասերի օպերատիվ խմբերը մայիսի 14-ին անցկացրել են դաշտային երթ՝ օպերատիվ նշանակության շրջանների և առաջխաղացման երթուղիների ուսումնասիրման ու տեղազննման նպատակով:

Մայիսի 13-ից 17-ը 3-րդ զո­­րա­­միա­վորման զորամասերի կապի պետերի հետ անցկացվել է հրամանատարական հավաք, որի նպա­տակն էր կատարելագործել սպա­ների տեսական գիտե­լիք­նե­րը, զորքերի ամենօրյա գործունեության ղեկավարման մե­թոդական պատրաստության մակարդակը, զարգացնել մասնագիտական հմտությունները մարտական գործողութ­յուն­ն­ե­րի ժամանակ:

Զինված ուժերի զինծա­ռա­յողների գեղագիտական մակարդակը բարձրաց­նելու և մշակութային կյան­քն աշխու­ժացնելու նպատակով մայիսի 11-ին ՀՀ նկարիչների միությունում անցկացվել է նկարիչ-քանդակագործների համաբանա­կային մրցույթի եզրափակիչ փուլը, որին մասնակցել են զորամիավորումների, զորա­մա­սերի զինծառայողները:

Մայիսի 15-ին 4-րդ զորամիավորման ենթակայությամբ գործող «Գարեգին Նժդեհի» անվան զորամասի հրաձգարանում զենիթահրթիռային դասակի զինծառայողների հետ անցկացվել է հրաձգության տեսական պարապմունք։

2-րդ զորամիավորումում և ենթակա զորամասերում շարունակվում է մայիսի 14-ին մեկնարկած հրամանատարաշտաբային զորավարժությունը:

Մայիսի 15-ին, 5-րդ զորամիավորման պատրաստության պլանի համաձայն, վարչակազմի և շտաբային ստորաբաժանման հետ անցկացվել են «Անվտանգության օր» թեմայով պարապմունքներ:

…Բարձրանում էինք դիրքեր: Գարնանային անձրևներն ամբողջ ճանապարհը դարձրել էին դժվարանցանելի: Զինվորական ամենագնացը հաղթահարում էր բոլոր դժվարությունները: Մառախուղն աստիճանաբար թանձրանում էր: Մենք բարձրանում էինք լեռան լանջն ի վեր, իսկ ամպերը կարծես մեզ ընդառաջ էին գալիս: Հերթական ոլորանից հետո քարքարոտ ճանապարհին մեքենան հանկարծ կտրուկ արգելակեց: