Զինված ուժերի անձնակազմի հոգեբանական ապահովման աշխա­տանք­ների արդյունա­­վե­տութ­­­յան բարձ­րացման, զինծառայողների անհա­տական որակների ու մասնա­գիտական կարո­ղութ­յունների ուսումնասիրության նպա­­տակով, ինչպես նաև կարևորելով կրտսեր հրամանատարների դերն ու մասնագիտական կայացման առանձնահատկությունները՝ ՀՀ ԶՈՒ ԱՀՏԱ վար­չության սպաները մար­տի 18-22-ը զինվորական ստորաբաժանումներում անցկացրել են սոցիոլոգիական հարցումներ և իրա­կա­նացրել ուսում­նա­կան զո­րա­­մասերի կուր­սանտների պրո­ֆի­լավորում (տեսակավո­րում):

ՀՀ զինված ուժերի ղեկավար կազմի օպերատիվ հավաքի շրջանակում մարտի 26-ին ՊՆ վարչական համալիրում դասախոսությամբ հանդես է եկել ՀՀ տարածքային կառավարման և զարգացման նախարար Սուրեն Պապիկյանը:

Մարտական պայմաններում անհետաձգելի բուժօգնություն ցուցաբերելու հմտությունները զարգացնելու նպատակով մարտի 25-ին 4-րդ զորամիավորման զորամասերից մեկում սանհրահանգիչներն անցկացրել են ցուցադրական պարապմունքներ:

Մարտի 25-ին մեկնարկել է շախմատի համաբանակային մրցախաղի եզրափակիչ փուլը, որին մասնակցում են նախորդ երկու փուլերին լավագույն արդյունքներ ցուցաբերած զինծառայողները:

ՀՀ ԶՈՒ գլխավոր շտաբի ղեկավար կազմի կողմից զորամասերի մարտական հերթապահության և ամենօրյա գործունեության վերահսկման ժամանակացույցի համաձայն՝ մարտի 19-ից 22-ը ստուգվել են մարտական դիրքերում հերթապահության իրականացման պայմանները, զորամասերի հրամանատարությանը ցուցաբերվել է գործնական օգնություն՝ զորքերի ծառայության և զինվորական ծառայության անվտանգության ապահովման կազմակերպման ուղղությամբ:

Պաշտպանության և հարձակման ժամանակ գործողությունների և վարժաձևերի հստակ ու արագ կատարմանը նպաստելու, մարտավարական գործողությունների ընթացքում կրտսեր հրամանատարների շրջանում նախաձեռնողականություն և բարոյակամային բարձր հատկանիշներ ձևավորելու նպատակով 5-րդ զորամիավորման ենթակա N զորամասի մարտավարական դաշտում հրաձգային ջոկերի հետ անցկացվել է մարտական հրաձգություն՝ ցերեկային և գիշերային պայմաններում:

Պաշտպանության կազմակերպման ու մարտի վարման ընթացքում ջոկերի հրամանատարների ունակությունները և մարտական խնդրի կատարման ժամանակ զինծառայողներ հմտությունները զարգացնելու նպատակով մարտի 25-ին 4-րդ զորամիավորման N զորամասի հրաձգարանում անցկացվել է ցուցադրական մարտական հրաձգություն: