Նոյեմբերի 29-ին ՀՀ գերիների, պատանդների և անհայտ կորածների հարցերով զբաղվող հանձնաժողովի նախագահ, ՀՀ պաշտպանության նախարարի պաշտոնակատար Դավիթ Տոնոյանն ընդունել է 2018թ. հունիսին հայ-ադրբեջանական սահմանը հատած ՀՀ քաղաքացի, Տավուշի մարզի Բերդավան գյուղի բնակիչ Կարեն Ղազարյանի ծնողներին:

Նոյեմբերի 27-ից 29-ը ՀՀ ՊՆ պատվիրակությունը` ՊՆ մարշալ Ա.Խանփերյանցի անվան ռազմական ավիացիոն համալսարանի պետի տեղակալի գլխավորությամբ, ճանաչողական այցով մեկնել էր Բելգրադ:

Նոյեմբերի 27-ից 29-ը ՀՀ ԶՈՒ մարտական պատրաստության վարչության հրամանատարական պատրաստության բաժնի պետ, գնդապետ Ս. Գևորգյանի գլխավորությամբ Արմավիրում տեղակայված զորամասերից մեկում անցկացվում են հրաձգային ջոկերի հրամանատարների ավարտական քննություններ:

Զորավարժարաններից մեկում ճամբարային հավաքներ են: Տեսական գիտելիքները գործնականում ամրապնդում են Վազգեն Սարգսյանի անվան ռազմական համալսարանի ավարտական կուրսի կուրսանտները: Արդեն մի քանի օր բանակի ապագա մոտոհրաձիգներն ու հրետանավորները տարաբնույթ ուսումնական խնդիրներ են կատարում դաշտային պայմաններում:

Թշնամու վրա կրակելուց առաջ պիտի կրակել սեփական վախի վրա

Մասնագիտական կրթության որակի ապահովման ազգային կենտրոնի հավատարմագրման հանձնաժողովի որոշմամբ` ՀՀ ՊՆ Վազգեն Սարգսյանի անվան ռազմական եւ Ա. Խանփերյանցի անվան ռազմական ավիացիոն համալսարաններին վերջերս շնորհվել է ինստիտուցիոնալ հավատարմագրում՝ 4 տարի ժամկետով:

Հայաստանի Հանրապետության և Բելառուսի Հանրապետության պաշտպանության նախարարությունների երկկողմ համագործակցության պլանի համաձայն` նոյեմբերի 26-ին Հայաստան է ժամանել ֆինանսների և զինվորական տնտեսության հարցերով Բելառուսի պաշտպանության նախարարի օգնական – Բելառուսի ՊՆ ֆինանսատնտեսական գլխավոր վարչության պետի գլխավորած աշխատանքային խումբը: