Նորություններ
Մայիսի 15-ին ՀՀ պաշտպանության նախարար Դավիթ Տոնոյանն ընդունել է Հայաստանի Հանրապետությունում Ռուսաստանի Դաշնության դեսպանորդ Անդրեյ Իվանովին և ՀՀ-ում ՌԴ դեսպանության ռազմական և ռազմաօդային կցորդ, գեներալ-մայոր Եվգենի Բուլավինցևին:
ՀՀ ԶՈՒ ՌՔԿՊ զորքերի պետ – վարչության պետ, գնդապետ Վարդան Նշանյանի գլխավորած պատվիրակությունը մասնակցում է մայիսի 15-ից 17-ը ՌԴ-ում` Կոստրոմայում անցկացվող ռադիացիոն, քիմիական և կենսաբանական պաշտպանության զորքերի մասնագետների հավաքներին և ՌՔԿՊ ոլորտի համագործակցության հարցերի քննարկմանը:
Մայիսի 14-ին Գերմանիայի Դաշնային Հանրապետության Զինված ուժերի Մյունխենի համալսարանի պատվիրակությունը ճանաչողական այցով հյուրընկալվել է ՀՀ ՊՆ Պաշտպանական ազգային հետազոտական համալսարանում:
Մայիսի 12-ին, ըստ ձևավորված ընթացակարգի, ՀՀ ՊՆ վարչական համալիրում տեղի է ունեցել պաշտպանության նախարարի պաշտոնի փոխանցման հանդիսավոր արարողությունը:
Սյունիքի մարզի բոլոր բնակավայրերում մեծ շուքով նշվեց Մայիսի 9-ը: Հայրենական Մեծ պատերազմի հաղթանակի, Շուշիի ազատագրման և Արցախի Հանրապետության Պաշտպանության բանակի հիմնադրման Եռատոնին բնակավայրերում վեր խոյացած հուշարձանների և հուշահամալիրների մոտ, ժողովրդական հոծ բազմությամբ տոնը նշանավորվեց մարզի խոշոր բնակավայրերում` գնդապետ Արարատ Միրզոյանի հրամանատարությամբ գործող զորամիավորման և ենթակա զորամասերի բազմաթիվ զինվորականների, ՏԻՄ ներկայացուցիչների, հոգևոր առաջնորդների, բազմաթիվ բնակիչների և հյուրերի կողմից զոհվածների հիշատակի խնկարկմամբ, հուշարձանների մոտ հայոց բանակի զինվորների՝ խրոխտ ու ձիգ պատվո պահակների հայացքների ներքո…
Գնդացրորդ, նռնականետորդ, դիպուկահար՝ բոլորը զորամասի հրաձգարանում են: Նախապատրաստական գումարտակի անձնակազմը կրակային գործնական պարապմունքի է մասնակցում: Ինչպես հետախուզել նշանակետը, ինչպես թիրախավորել հակառակորդին, ինչպես նպաստավոր դիրք զբաղեցնել. բացազատված ուսումնական կետերից յուրաքանչյուրում սպաները պատմողական-ցուցադրական մեթոդով պարզաբանում են մանրամասները:
