Յոթ մեդալ ըմբշամարտից, եւս երկուսը՝ ծանրամարտից. Սամվել Սահակյանը բանակ զորակոչվելուց առաջ մեդալների այսպիսի հավաքածու ուներ: Օրերս զորացրվեց եւ իր հետ տուն բերեց արդեն «Մարտական խաչ» 2-րդ աստիճանի շքանշանը: Տանկի նշանառու-օպերատորը երկու տանկ է խոցել, երեք դիրք ազատագրել՝ հակառակորդին պատճառելով կենդանի ուժի զգալի կորուստ:

ՀՀ ՊՆ վարչական համալիրում հուլիսի 16-ին շարունակվել է բանակային զորամիավորումների, ՊՆ, ԶՈՒ և ԶՈՒ ԳՇ ստորաբաժանումների կողմից 2016թ. առաջին կիսամյակի ընթացքում իրականացված աշխատանքների կատարողականին նվիրված երկօրյա խորհրդակցությունը:

Հուլիսի 16-ին ՀՀ պաշտպանության նախարարի առաջին տեղակալ Դավիթ Տոնոյանն ընդունել է ԵԱՀԿ գործող նախագահի անձնական ներկայացուցիչ Անջեյ Կասպրչիկին:

Հուլիսի 11-ից ՀՀ զինված ուժերի խաղաղապահ ինժեներական գումարտակում մեկնարկել են ինքնաշեն պայթուցիկ սարքերի հայտնաբերման և վնասազերծման (C-IED) երեք շաբաթ տևողությամբ դասընթացները, որոնք անցկացնում են Եվրոպայում ԱՄՆ-ի ցամաքային զորքերի ինքնաշեն պայթուցիկ սարքերի դեմ պայքարի ուսումնական կենտրոնի հրահանգիչները:

Համաձայն զորամիավորման 2016 ուս. տարվա պատրաստության պլանի’ հուլիսի 12-ից 3-րդ ԲԿ շտաբում մեկնարկեցին զորամիավորման ենթակա զորամասերի գծային գումարտակների, դիվիզիոնների հրամանատարների և նրանց տեղակալների կազմով անցկացվող հրամանատարական հավաքները: Հավաքների նպատակն է առավել կատարելագործել հրամանատարական կազմի մասնագիտական ունակություններն ու բարձրացնել նրանց պատրաստության մակարդակը:

Լիտվայի Հանրապետություն կատարած այցի շրջանակում հուլիսի 13-ին ՀՀ պաշտպանության նախարար Սեյրան Օհանյանը հանդիպում է ունեցել Լիտվայի Հանրապետության Սեյմի փոխխոսնակ պարոն Գեդիմինաս Կիրկիլասի և ազգային անվտանգության ու պաշտպանության հարցերով հանձնաժողովի նախագահ պարոն Արթուրաս Պաուլաուսկասի հետ:

Պաշտոնական այցով Լիտվայում գտնվող ՀՀ պաշտպանության նախարար Սեյրան Օհանյանը հանդիպել է Լիտվայի ազգային պաշտպանության նախարար Յուոզաս Օլեկասին։