Մարտական հենակետում հրամանատարի տեղակալին ու մեզ՝ լրագրողներիս զինվորական զեկույցով դիմավորեց դիրքի ավագը։ Սերժանտ Վիրաբ Ռուստամյանի զեկույցից հասկացանք, որ հակառակորդի կողմից շարժ չի նկատվել։ Շրջեցինք առաջնագծում:

Տավուշի մարզի Մովսես գյուղն ուղիղ սահմանի պռնկին է ու մյուս սահմանամերձ-սահմանապահ բնակավայրերի նման բազմաթիվ օրհասական օրեր է ապրել. տների պատերին, տանիքներին չմարող հակամարտության հետքերն են՝ ինչ տրամաչափի զենքից ասես չեն կրակել այս ուղղությամբ:

Ընտանիքը փոխադարձ սիրո, հարգանքի, համերաշխության աղբյուր է, ինչի հենքի վրա էլ խարսխվում է հասարակությունը։ Զորավոր է այն ազգը, որ ունի զորավոր եւ ամրակուռ ընտանիքներ, որտեղ ամեն մեկի ես-ը դառնում է համընդհանուր մենք:

«Պաշտպան հայրենյաց» ծրագրի առաջին շահառուները գործնական ակտիվ պարապմունքներով ու դասերով շարունակում են ամրապնդել մասնագիտական կարողություններն ու հմտությունները: Անցած ամիսների ընթացքում ձեռք բերելով մասնագիտական անհրաժեշտ հմտություններն ու պահանջվող որակները՝ նրանք շուտով կամփոփեն ուսումնառությունն ու որպես կայացած զինվորականներ կստանձնեն մեր երկրի պաշտպանության առաքելությունը:

Զինծառայողների գեղագիտական մակարդակը բարձրացնելու, մշակութային կյանքն աշխուժացնելու, արվեստագետ զինծառայողներին ստեղծագործելու հնարավորություն ընձեռելու նպատակով 2023 թվականի մարտի 20-ից մայիսի 25-ը զինված ուժերում անցկացվել է նկարիչ-քանդակագործների համաբանակային մրցույթ-ստուգատես «Սպարապետ» թեմայով: Միջոցառումը կազմակերպել և աշխատանքները համակարգել է ՀՀ ԶՈՒ ԲՀԱ վարչությունը:

Նոր ծրագիրը հնարավորություն է ընձեռում շարքային և սպայական կազմին պարտադիր զինվորական ծառայության առաջին վեց ամսից հետո կառավարության սահմանած կարգով անցնելու պայմանագրային զինծառայության։ Ժամկետը՝ հինգ տարի: Մասնակիցները կստանան աշխատավարձ, կօգտվեն պայմանագրային զինծառայողի համար նախատեսված արտոնություններից, կունենան աշխատավարձը կրկնապատկելու հնարավորություն, եթե ատեստավորում անցնեն, իսկ ծրագրի ավարտին էլ կստանան 5 միլիոն դրամ պատվովճար:

Տոնի կապակցությամբ ուսումնական զորամասը հյուրընկալել էր զինծառայողների ընտանիքների անդամներին ու զոհված զինծառայողների զավակներին՝ մեկ անգամ ևս հաստատելու մեծ խորհուրդը՝ զորավոր է այն ազգը, որն ունի ամուր ընտանիքներ: