Հայկական երկու հանրապետությունների զինված ուժերի միջև փոխհամագործակցության շրջանակում Ստեփանակերտում հուլիսի 20-ին տեղի է ունեցել կոլեգիայի նիստ:
«2013թ. բանակային տարվա ձմեռային ուսումնական փուլում հայկական զինված ուժերի մարտական պատրաստության և զինվորական կարգապահության վիճակը, առկա խնդիրներն ու բարելավման ուղիները» թեմայով կոլեգիայի նիստին մասնակցել են ՀՀ ԶՈՒ գլխավոր շտաբի պետ, գեներալ-գնդապետ Յուրի Խաչատուրովը, ՊԲ հրամանատար, գեներալ-լեյտենանտ Մովսես Հակոբյանը, հայկական երկու հանրապետությունների զինված ուժերի ղեկավար կազմը, բանակային զորամիավորումների, միավորումների և զորամասերի հրամանատարներն ու նրանց տեղակալները, զինվորական իրավապահ մարմինների ղեկավարները, վարչությունների պետեր:

Հայկական երկու հանրապետությունների զինված ուժերի միջև փոխհամագործակցության շրջանակում հուլիսի 15-ից 19-ը պաշտպանության բանակում զորամասերի հրամանատարների և նրանց տեղակալների հետ անցկացվեց հրամանատարական հավաք: Միջոցառումը նախատեսված էր զինված ուժերի 2013թ. ուսումնական տարվա պատրաստության պլանով և հետապնդում էր զորամասերի հրամանատարների և նրանց տեղակալների պատրաստության մակարդակը ստուգելու և բարձրացնելու, առաջավոր փորձն ուսումնասիրելու և դա զորքերի ամենօրյա գործունեությունում ներդնելու նպատակ:

Արդեն որերորդ անգամ Քաշաթաղի շրջանային զինկոմիսարիատից մեր տղաները մեկնում են ազգային բանակ: Թեեւ ամռան ուղիղ կեսն է, սակայն դեռևս շարունակվում է գարնանային զորակոչը: Հերթական անգամ ներկա եմ զորակոչին. զինկոմիսարիատի աշխատակիցների՝ զորակոչիկների հետ տարվող աշխատանքին: Զինկոմի տեղակալ, կապիտան Ստեփան Օհանջանյանն ու զորակոչային բաժնի պետ, կապիտան Կամո Ալավերդյանը տղաների փաստաթղթային վերջին ճշտումներն են կատարում, այնուհետև զրուցում հետները՝ հետաքրքրվելով ընտանեկան վիճակից, արդյոք առողջական խնդիրներ չունե՞ն: Կարևորվում է նաև, թե արդյոք տղաները կապ չունե՞ն այս կամ այն աղանդի հետ: Ուրախալի է, որ բոլորն էլ միայն Հայ Առաքելական Եկեղեցու հետեւորդ են:

Հավաստի և ժամանակին ստացված տեղեկությունը, մանավանդ, երբ այն վերաբերում է հակառակորդին, անչափ կարևոր է հրամանատարների համար: Հաղորդակցության, կապի ժամանակակից բազմաթիվ միջոցների առկայության դեպքում գուցեեւ ավելի է կարևորվում դրանց անխափան և հուսալի, այսինքն՝ արտաքին ազդեցություններից պաշտպանված լինելու խնդիրը: Այդ իսկ պատճառով բանակում ներդրված են կապի մի քանի տեսակներ, որոնցից յուրաքանչյուրը կարող է օգտագործվել ըստ անհրաժեշտության: Սակայն, ինչպես ցանկացած զենք, կապի միջոցները եւս չեն կարող հաջողությամբ կիրառվել, եթե չկան որակյալ մասնագետ-կապավորներ:

Զորամասի շտաբի պետ, փոխգնդապետ Ա. Թադևոսյանը զորամասի հրամանատարին` գնդապետ Ռ.Բեգլարյանին զեկուցում է գումարտակներից մեկի ներգրավմամբ անցկացված մարտավարական զորավարժության ավարտի մասին:

Թող ինձ Աստված ների, բայց պետք է խոստովանեմ, որ Մեղրի քաղաքի Մեծ թաղի եկեղեցին էի ուզում գնալ ամենից առաջ Հայաստան /գուցե Մեղրի՞/ բերված առաջին դաշնամուրը տեսնելու համար, թեեւ երբեւէ բաց չեմ թողել եկեղեցի մտնելու, ինքս ինձ հետ, իմ Աստծո հետ մենակ մնալու, ինչպես նաեւ մեր հոգեւոր արժեքներով հիանալու առիթը: Դեռ Երեւանում ընկերներից մեկը, իմանալով Մեղրի գնալուս մասին, իմիջիայլոց ասաց, որ Մեծ թաղի եկեղեցու դաշնամուրը Հայաստան բերվել եւ որպես հայ ժողովրդի դարավոր մշակույթի խորհրդանիշ տեղադրվել է հենց Մեղրիում՝ որտեղից բացվում է Հայաստանի հարավային դարպասը:

ՀՀ Նկարիչների միության անդամ ԱՐՏԱՇԵՍ ԱԲՐԱՀԱՄՅԱՆՆ աշխատում է Ազգային պատկերասրահի վերականգնման բաժնում: Նկարչության հանդեպ սերը ժառանգել է պապից` ՀՍՍՀ վաստակավոր նկարիչ Արտաշես Աբրահամյանից: Երիտասարդ նկարիչն այնքան էլ վաղուց չէ, որ զորացրվել է, ու հիմա մեր զրույցի առանցքում բանակային թեման է: