Կոմպոզիտոր, Հայաստանի ժողովրդական արտիստ Ավետ Տերտերյանի անվան արվեստի դպրոցում օրերս տեղի ունեցավ Հայոց բանակի օրվան նվիրված տոնական ցերեկույթ։ Հայաստանի Հանրապետության օրհներգից հետո ներկաները հոտնկայս հարգեցին Արցախյան գոյամարտում նահատակված մեր քաջորդիների անմահ հիշատակը։ Ներկա էին Դավիթաշեն վարչական շրջանի ներկայացուցիչներ, ՀՀ ԵԿՄ Դավիթաշենի տարածքային բաժանմունքի նախագահ Սարգիս Գրիգորյանը, «Սասունցի Դավիթ» ջոկատի հրամանատար Սամվել Մաթևոսյանը, ազատամարտիկներ, ծնողներ, հյուրեր։

Ստալինգրադի ճակատամարտը, որն սկսվեց 1942 թ. հուլիսի 17-ին և ավարտվեց 1943 թ. փետրվարի 2-ին, հիրավի բեկումնային էր։ Այստեղ շրջապատվեց և լիովին ջախջախվեց ֆաշիստական 330 հազարանոց խմբավորումը՝ ֆելդմարշալ Պաուլյուսի հրամանատարությամբ։ Հաղթանակը սասանեց ֆաշիստական Գերմանիայի հիմքերը, խափանեց Թուրքիայի և Ճապոնիայի կողմից ԽՍՀՄ-ի նկատմամբ գործողությունների ծրագրերը, ոգեշնչեց ինչպես դաշնակից երկրներին, այնպես էլ ֆաշիզմի դեմ ընդհատակյա ու պարտիզանական պայքար մղող ուժերին։

Զորամասում սպորտմասսայական միջոցառումները նախատեսված են օրվա կարգացուցակով և իրականացվում են հանգստյան և տոն օրերին 3 ժամ, իսկ մնացած օրերին (շաբաթական երեք անգամ)` 2 անգամ 1 ժամով՝ նպաստելով ֆիզիկական կուլտուրայի և սպորտի խթանմանը, զինվորականների, նրանց ընտանիքների մշակութային ժամանցի կազմակերպմանը և քաղաքացիական բնակչության հետ կապերի ամրապնդմանը:

Եվրոպան ռուսական դիզվառելիքի եւ այլ նավթամթերքների նկատմամբ արգելք է սահմանել` համաձայնեցված 100 դոլար գնի սահմանաչափով: Ավելի վաղ ռուսական նավթի մեկ բարելի դիմաց սահմանվել էր 60 դոլար սահմանաչափ, որն ուժի մեջ է մտել դեկտեմբերին: Արգելքը նախատեսում է 55-օրյա արտոնյալ ժամկետ լցանավերի վրա արդեն բեռնված դիզելային վառելիքի համար։

Փետրվարի 2-ին ՀՀ պաշտպանության նախարար Սուրեն Պապիկյանն այցելել է ՊՆ N ուսումնական զորամաս։ Շրջելով զորամասի տարածքում նախարար Պապիկյանը հետևել է ուսումնական գործընթացի կազմակերպմանը, օրվա կարգացուցակով սահմանված դասընթացների և պարապմունքների անցկացմանը։

Զինված ուժերում ծառայությունը և բանակի առօրյան ինքնին նպաստում են առողջ ապրելակերպին:
Ֆիզիկական պատրաստվածությունը, ըստ էության, զինվորական անձնակազմի կյանքի և մասնագիտական գործունեության անբաժանելի մասն է: Զինված ուժերում ծառայությունը կառուցված է զինվորների մեջ մարդկային ու բարոյական բարձր որակների ձևավորման, խիզախության, տոկունության, հայրենիքի հանդեպ պարտքը կատարելու գիտակցության հենքի վրա:

Հունվարի 30-ին երդման հանդիսավոր արարողություն է անցկացվել N զորամասում, որին ներկա են եղել զորամիավորման և զորամասի հրամանատարական կազմը, զինվորականներ, զինծառայողների հարազատները: