Թերթ
Չինացի փորձագետներից շատերը հոգեբանական օպերացիաների վարման ոլորտում շեշտը դնում են մարդու արժեհամակարգի վրա, հենց որի վրա էլ հիմնված են մարդու գործողությունների շարժառիթները: Նրանց կարծիքով` հոգեբանական պատերազմի առավել կարևոր ռազմավարական նպատակներին կարելի է հասնել հակառակորդի գաղափարախոսական համակարգի քայքայման միջոցով` խարխլելով արժեքների այն համակարգը, որը որդեգրել է տվյալ ժողովուրդը:
Թեստը մշակվել է Իովայի սոցիալական և վարքային հետազոտման ինստիտուտի դոկտոր, պրոֆեսոր Դ.Ռասելի կողմից: Իր մասնագիտական բեղուն գործունեության մեջ նա բազմաթիվ հետազոտություններ է կատարել` կապված միայնության և հասարակական օժանդակության տարբեր ոլորտների հետ: Միայնության ներքո հիշյալ թեստի համահեղինակն է հոգեբանական գիտությունների դոկտոր Մ.Ֆերգյուսոնը: Թեստը, որպես հուսալի և վալիդ մեթոդիկա, ներառված է նրանց համատեղ «Միայնություն. նկարագիրը և գնահատումը» և «Միայնության չափի զարգացումը» հոդվածներում:
Երբ ազգը պետականություն ունի, ազգային հիմնական հարստությունը ազնվականների և իշխանավորների ձեռքում է: Եվ այն հիմնականում կենտրոնացած է լինում հայրենիքում, ուստի եւ աշխատում է հօգուտ հայրենիքի: Սակայն պետականության բացակայության պայմաններում այդպես չէ: Քաջ հայտնի է, որ հայկական գաղթօջախները դարեր շարունակ եղել են այս կամ այն երկրի ու անգամ աշխարհամասի տնտեսական լոկոմոտիվը: Հայերը հսկայական ներդրում են ունեցել Հնդկաստանի, Եգիպտոսի, Եթովպիայի, Լեհաստանի, անգամ Վենետիկի, Ռուսաստանի և այլ մեծ երկրների տնտեսական ու մշակութային զարգացման գործում: Իսկ Անդրկովկասի երկու մեծ ոչ հայկական քաղաքները` Թիֆլիսն ու Բաքուն, բառիս բուն իմաստով մենք ենք շենացրել:
Յուրաքանչյուրին, ով գոնե մեկ անգամ օգտվել է Corel Draw համակարգչային գրաֆիկական ծրագրի ութերորդ տարբերակից, քաջ ծանոթ է այն կնոջ դեմքը, որ պատկերված է ծրագրի տիտղոսաթերթին: Նա իրական մարդ է` դերասանուհի և գյուտարար: Հենց նրա շնորհիվ է, որ մենք հնարավորություն ունեցանք օգտվելու GPS համակարգից և բջջային կապից: Հիմա նրա անունը հանիրավի մոռացված է, սակայն անցած դարի կեսերին նա եղել է աշխարհի ամենահայտնի դերասանուհիներից մեկը:
Թվում է, թե Եգիպտոսի բոլոր պատմական հուշարձաններն այնքան են հետազոտվել, որ հայտնաբերելու ոչինչ այլևս չկա: Մինչդեռ պարզվում է, որ այնքան էլ այդպես չէ…
Պատմաբան Վիլյամ Դեյչը մի ցնցող հայտարարություն է արել, համաձայն որի` Եգիպտոսի փարավոն Թութանհամոնը զոհվել է ավիավթարից: Նա ասել է նաև, որ հին եգիպտացիները երկինք էին բարձրանում տաք օդով լցված օդապարիկներով և պլաներներով: Քանի որ թռիչքները Եգիպտոսում աստվածային գործ էին համարվում, ուստի դրանցով զբաղվել թույլատրվում էր միայն թագավորական ընտանիքին և ազնվատոհմիկներին: «Հետաքրքիր է նկատել, որ Հին Եգիպտոսի թագավորական ընտանիքի շատ անդամներ, այդ թվում և Թութանհամոնը, մահացել են կոտրված ոտքերով և բազմաթիվ վերքերով, կարծես թե նրանց մահը տեղի է ունեցել թռչող սարքի ընկնելու հետևանքով», – ասում է Դեյչը:
Ադրբեջանը չի հրաժարվում սահմանում հրադադարի ռեժիմը խախտելու ամենօրյա մարտավարությունից։ Նրանց զինվորները, հիմնականում դիպուկահար զենքերից, կրակում են ոչ միայն ԼՂՀ, այլ նաեւ Հայաստանի պետական սահմանի պահապանների ուղղությամբ։ Եվ քանի դեռ չեն սպառվել հակամարտությունը խաղաղ ճանապարհով, բանակցությունների միջոցով կարգավորելու հնարավորությունները, հայ զինվորները, կատարելով իրենց տրված հրամաններն ու առաջադրանքները, չեն ենթարկվում սադրանքների։ Նոյեմբերի 18-ին հենց այս հարցի քննարկումից էլ սկսվեց մեր զրույցը ՀՀ սահմանի մի զգալի հատվածի պահպանությունն իրականացնող զորամասի հրամանատար գնդապետ Ա. Մուրադյանի հետ։
Աֆղանստանում ՆԱՏՕ-ի ղեկավարած միջազգային անվտանգության աջակցման գործողություններին մասնակցելու նպատակով Հայաստանի զինված ուժերի զորախումբը՝ 81 զինծառայող, նոյեմբերի 21-ին գործուղվեց Գերմանիայի Դաշնային Հանրապետություն, որտեղից էլ դեկտեմբերի 16-ին վեցամսյա ժամկետով կգործուղվի Աֆղանստանի Մազարի Շարիֆ ռազմակայան:
«Զորախումբը Գերմանիայում անցնելու է մեկամսյա մշտական տեղակայման վարժանքներ, ծանոթանալու է առաքելության թատերաբեմի պայմաններին: Առաջին շաբաթը հատկացվելու է հանդերձավորմանը, կապի եւ տրանսպորտային միջոցներին ծանոթացմանը, այնուհետեւ անցնելու ենք վարժանքներ, որոնք կամփոփվեն երկօրյա զորավարժություններով:
