Իրանի նախագահ Հասան Ռոհանին նոյեմբերի 12-ին երկօրյա պաշտոնական այցով ժամանել էր Ադրբեջան: Սա նախագահի պաշտոնում Ռոհանիի առաջին այցն էր Ադրբեջան: Հասան Ռոհանիի Ադրբեջան կատարած այցի մանրամասները մեր աշխատակից Շուշան Ստեփանյանին ներկայացրել է իրանագետ ՌՈՒԴԻԿ ՅԱՐԱԼՅԱՆԸ:

«Հայ զինվորի» նախորդ համարներից մեկում (թիվ 41) բանասիրական գիտությունների դոկտոր, պրոֆեսոր Գառնիկ Ասատրյանը մեր թերթին տված հարցազրույցում առաջին անգամ բարձրաձայնեց Երևանում «Թալիշական ազգային հեռուստատեսություն» ստեղծելու մասին: Քիչ ժամանակ է անցել, և ահա այն արդեն իրականություն է. մինչև այս համարի լույսընծայումը, եթերում կհնչի Թալիշստանի ազգային հիմնը, ու կցուցադրվի անդրանիկ ծրագիրը:

Ադրբեջանական վարչակազմը շարունակում է պատմության կեղծարարությունը՝ հետ չկանգնելով նույնիսկ Թուրքիայի պատմական դրվագները որպես սեփականը ներկայացնելուց:
Նման քայլերով նա փորձում է լրացնել գաղափարական ատարկությունը, որը ստեղծվել էր ԽՍՀՄ փլուզումից հետո և արդարացնել հայատյաց հռետորաբանությունը:

Հենց նոր եմ իմացել, որ Թուրքիայի կառավարությունը անաղմուկ ուղղել է Վանա լճի Աղթամար կղզու պատմական Սուրբ Խաչ եկեղեցու ցուցանակը՝ նշելով նրա «հայկական» ծագումը:
Տասնամյակներ շարունակ թուրքական իշխանությունները համակարգված ձևով թաքցրել են հայկական եկեղեցիների և հուշարձանների ճշմարիտ ինքնությունը, որպեսզի ոչ ոք չհիշի, որ հայերը հազարավոր տարիներ ապրել են Թուրքիայի Հանրապետության կողմից բռնագրավված հողերի վրա: Չբացահայտելով հայկական քաղաքակրթության հետքերը՝ թուրք պաշտոնյաները հուսով էին, որ այդպես հարկ չի լինի բացատրելու հայերի անհետացումը. թուրքական ժխտողականության ևս մեկ դրսևորում:

Հայոց ցեղասպանության 100-րդ տարելիցին ընդառաջ պոլսահայ գրող, լրագրող, հրապարակախոս Էթյեն Մահչուփյանը նշանակվել է Թուրքիայի վարչապետ Ահմեդ Դավութօղլուի գլխավոր խորհրդական: Նա թուրքական կառավարության թերևս միակ ոչ մահմեդականն է: Ըստ թուրքական «Սաբահի»` Մահչուփյանն այդ պաշտոնում աշխատելու առաջարկն ստացել է անձամբ վարչապետից: Իսկ ինքը` Դավութօղլուն, մեկնաբանելով` ասել է, որ գլխավոր խորհրդականի ազգային պատկանելությունը ամենևին կապ չունի իր նշանակման հետ:

Հայաստանը, ԵՏՄ երկրների մեջ լինելով Իրանին սահմանակից միակ պետությունը, ունի բոլոր հնարավորությունները վերածվելու Միության և Իրանի միջև տնտեսական կապ ապահովող միավորի: Այս համատեքստում խոսքը նախ և առաջ վերաբերում է Իրանի և ԵՏՄ միջև ապրանքաշրջանառությանն ու երկկողմ ներդրումներին, որոնց համար, կարծում եմ, համագործակցության հատուկ ձևաչափեր կսահմանվեն: Հասկանալի է, որ ԵՏՄ-ը չի կարող արդարացնել իր գոյությունը, եթե փորձի պարփակվել ինքն իրենով, իսկ իրանական շուկան շուրջ 80 մլն բնակչությամբ մեծ հնարավորություններ է ընձեռում ԵՏՄ երկրներին իրացնելու սեփական արտադրանքը:

Երևանի պետական համալսարանում տեղի ունեցած գիտական քննարկումները, որոնք նվիրված էին Թուրքիայում ապրող զազաներին և ալավիներին, մեկ անգամ ևս ամենայն խորությամբ բացահայտեցին, թե քեմալական ռեժիմը ինչպիսի չարագույժ եռանդով է կարողացել այդ ժողովուրդների ուծացման, հետևողական ձուլման այնպիսի քաղաքականություն վարել, ինչի հետևանքով գրեթե ամբողջովին խաթարվել է Դերսիմում ապրողների ազգային, կրոնական և մշակութային դիմագիծը: