Հենվելով դիվանագիտական տեղյակ աղբյուրներից ստացած տեղեկությունների վրա` այդ մասին հայտնում է բրիտանական մամուլը և հավելում, որ իսրայելական կողմի վճռական մերժումից հետո ԱՄՆ նախագահ Բարաք Օբաման կարգադրել է Թել Ավիվի ձեռնարկելիք քայլերին ժամանակին տեղեկանալու նպատակով ուժեղացնել իրականացվող հետախուզական բոլոր աշխատանքները։

Բրիտանական հատուկ ծառայությունները պնդում են, որ Իսրայելը խնդրի լուծման ուժային ճանապարհին կդիմի արդեն դեկտեմբերին` հավանաբար Ծննդյան տոների նախօրեին և կամ գուցե 2012 թվականի առաջին օրերին: Նրան ամենայն հավանականությամբ կաջակցի Միացյալ Նահանգները, քանի որ նախագահ Օբաման չի ուզում կորցնել հրեական ընտրազանգվածի ձայները, իսկ Լոնդոնը դեռևս ժխտում է գործողությանն իր մասնակցության հնարավորությունը` պնդելով, որ սեփական միջուկային ռումբի ստեղծման դեպքում Թեհրանը երբեք չի կիրառի այն:

ԱՄՆ-ը համաձայնվել է Թուրքիային փոխանցել F-16 Fighting Falcon կործանիչների ծրագրային ապահովման մեկնարկային կոդերը, ինչի արդյունքում երկիրը հնարավորություն կստանա ինքնաթիռների վրա տեղադրել սեփական մշակման լրացուցիչ սարքավորումներ և սպառազինություն:
Թուրքիան կստանա սպառազինության և ինքնաթիռի կառավարման համակարգերի համագործակցումն ապահովող ծրագրի կոդերը և կարդիականացնի 213 կործանիչ: Ինքնաթիռներից յուրաքանչյուրի վրա կատարվող աշխատանքները գնահատվում են շուրջ 5,2 միլիոն դոլար:

Երկրի զինված ուժերի գլխավոր շտաբի պետը հայտարարել է, որ առաջիկայում Իսրայելը պատերազմ կսկսի արաբական մեկ կամ մի քանի պետությունների դեմ, և հնարավոր է, որ ստիպված լինի բոլոր ճակատներում կռվելու համար մոբիլիզացնել բոլոր ուժերը: Նման հեռանկարը նա բացատրել է տարածաշրջանային անկայունությամբ, արաբական հեղափոխություններով և իրանական սպառնալիքով:
Միաժամանակ, արևմտյան լրատվամիջոցները, հիմնվելով Ֆրանսիայի հատուկ ծառայությունների ունեցած տեղեկությունների վրա, պնդում են, որ վերջին օրերին ԱՄՆ-ը Իսրայելին է փոխանցել յուրաքանչյուրը մոտ մեկ տոննա կշռող 55 ռումբ, որոնք նախատեսված են մեծ խորության ստորգետնյա բունկերների ոչնչացման համար: Ենթադրվում է, որ դրանք կօգտագործվեն Իրանին հարված հասցնելու ընթացքում:

Թբիլիսիում սկսված Վրաստան-ՆԱՏՕ հանձնաժողովի հերթական նիստում հայտարարել է ՆԱՏՕ-ի գլխավոր քարտուղար Անդերս Ֆոգ Ռասմուսենը և հավելել, որ Դաշինքը կշարունակի ՆԱՏՕ-ի չափանիշներին մոտենալու ճանապարհին աջակցել Վրաստանին և ուշադրությամբ հետևել պաշտպանական բնագավառում բարեփոխումների իրականացման, օրենքի գերակայության հաստատման ու ժողովրդավարական ինստիտուտների զարգացման ընթացքին:

Ռուսական լրատվամիջոցների պնդմամբ, այս կազմավորումների ստեղծումը պայմանավորված է առաջիկա ընտրություններից առաջ Վրաստանի ներքաղաքական դաշտում նոր արմատական ընդդիմության՝ գործարար Բիձինի Իվանիշվիլիի հայտնվելով:
Նորագիրները, ովքեր «ծառայության» համար ստանում են ամսական 300 լարի, մարտական պատրաստության դասընթացներ են անցնում Սենակիի ռազմաբազայում: Ըստ վրացական աղբյուրների` նախատեսվում է հավաքագրել մինչև 25.000 ռեզերվիստ:

Իրանի ազգային անվտանգության խորհրդի ղեկավարի տեղակալը հայտարարել է, որ Իրանի միջուկային օբյեկտների վրա հարձակման դեպքում Իսրայելին կհարվածեն ոչ միայն իրենք, այլև անմիջականորեն սահմանակից Լիբանանում, Սիրիայում ու Գազայի հատվածում գտնվող «Հըզբոլլահ» խմբավորման գրոհայինները, և Իսրայելը կոչնչանա ցասման հրից:
Այսպիսով, Թեհրանն առաջին անգամ պաշտոնապես հայտարարել է, որ Իսրայելի հետ պատերազմի դեպքում անվերապահորեն կունենա նաև իր կողմից ֆինանսավորվող բոլոր զինված կազմակերպությունների աջակցությունը: