Ղրղզստանի նոր ընտրված նախագահ Ալմազբեկ Ատամբաևը հայտարարել է, որ չի ցանկանում ներգրավված լինել իրանա-ամերիկյան հնարավոր հակամարտությանը: Նա նշել է, որ 2014թ., երբ կլրանա Մանաս օդանավակայանը ամերիկացիներին վարձակալությամբ հանձնելու ժամկետը, ինքն այլևս չի երկարաձգի պայմանագրի գործողության ժամկետը:
Նրա խոսքով, Մանասը քաղաքացիական նշանակության օդանավակայան է, որը չի կարելի օգտագործել որպես ռազմական բազա: Սակայն Վաշինգտոնի հետ կնքվել է պայմանագիր, և կողմերը պարտավոր են հարգել և կատարել պայմանագրի պահանջները:

Արդեն ավելի քան կես տարի է, ինչ ՆԱՏՕ-ի ուժերի աջակցությամբ Լիբիայում ապստամբները մարտական գործողություններ են իրականացնում ընդդեմ Մուամար Քադաֆիի ռեժիմի: Հոկտեմբերի 20-ին աշխարհն ականատես դարձավ երկրի 42 տարվա առաջնորդի ստորացուցիչ վախճանին, սակայն դեռ հարց է` արդյոք դա նշանակո՞ւմ է նաեւ երկրում սկսված քաղաքացիական պատերազմի վախճան: Այդուհանդերձ, Քադաֆիի մահով ավարտվում է լիբիական պատերազմի մի շրջափուլ, եւ տեղին է որոշակի եզրահանգումներ անելը:

Պետդեպարտամենտի բարձրաստիճան ներկայացուցիչը հայտարարել, է որ Վաշինգտոնին մտահոգում է միջուկային հետազոտությունների ասպարեզում Իրանի առաջընթացը հաստատող ՄԱԳԱՏԷ-ի հերթական նոյեմբերին հրապարակվելիք զեկույցից՝ հետո Թել Ավիվի` Միացյալ Նահանգների հետ չհամաձայնեցված գործողությունների դիմելու հավանականությունը, որի կանխման նպատակով ԱՄՆ-ը փորձում է հասնել ՄԱԿ անվտանգության խորհրդի` Իրանի նկատմամբ ավելի խիստ պատժամիջոցներ սահմանելուն, ինչն Իսրայելին ետ կպահի խնդիրը ռազմական ճանապարհով լուծելու մտադրությունից, ինչն էլ իր հերթին անխուսափելիորեն կհանգեցնի ողջ Մերձավորարևելյան տարածաշրջանում մեծ պատերազմի:

Համաձայն բրիտանական «The Guardian» պարբերականի տվյալների, որոնք քաղված են սպառազինության հարցերով բրիտանական անկախ հանձնաժողովի հաշվետվությունից, Իսրայելը նախատեսում է մեծացնել «երկիր-երկիր» դասի «Իերիհոն» հրթիռների հեռահարությունը` դրանք դարձնելով միջմայրցամաքային խոցման հրթիռներ: Համաձայն գործող դասակարգման, այդպիսիք են համարվում 5.000 կիլոմետրից ավելի հեռահարություն ունեցող հրթիռները: Բացի այդ, Թել-Ավիվը մտադիր է արդիականացնել նաև իր սպառազինությունում եղած թևավոր հրթիռները և դրանք հարմարեցնել սուզանավերից արձակելու համար: Իսրայելն այսօր ունի երեք ռազմական սուզանավ, ևս երկուսը կառուցվում են Գերմանիայի նավաշինարաններում, իսկ վեցերորդի կառուցման վերաբերյալ բանակցություններն ընթացքի մեջ են:

Իրաքից ամերիկյան զորախմբի դուրսբերումից հետո Օբամայի վարչակարգը մտադիր է Իրաքում իրավիճակի սրման և կամ Իրանի հետ դիմակայության խորացման դեպքում արագ արձագանքելու համար լրացուցիչ ուժեր տեղակայել Քուվեյթում, տարածաշրջանի միջազգային ջրեր ուղարկել նորանոր ռազմանավեր, ինչպես նաև առավել ընդլայնել առանց այն էլ սերտ ռազմական համագործակցությունը Սաուդյան Արաբիայի, Քուվեյթի, Բահրեյնի, Կատարի, Օմարի ու Արաբական Միացյալ Էմիրաթների հետ:

Ռուսաստանյան «1-ին ալիքին» տված հարցազրույցում նա հայտնել է, որ քաղաքական հակամարտության առաջին իսկ օրվանից կապի մեջ է եղել ՌԴ ղեկավարության հետ, ներկայացրել իրադարձությունների զարգացման ընթացքը, և այժմ էլ հույս ունի ստանալ Սիրիայի հետ պատմական և ամուր կապեր ունեցող Ռուսաստանի աջակցությունը:
Ասադն Արևմուտքին հերթական անգամ կոչ է արել չխառնվել Սիրիայի ներքին գործերին և հիշեցրել, որ Սիրիան իր պատմությամբ ու քաղաքականությամբ տարբերվում է Եգիպտոսից, Թունիսից ու Եմենից, Մերձավոր Արևելքի կենտրոնն է և իր երկրում իրավիճակի յուրաքանչյուր սրում մեծ ցնցումներ կառաջացնի ողջ տարածաշրջանում:

Սիրիական զորքերն սկսել են ականային արգելափակոցներ տեղադրել Լիբանանի հետ սահմանին: Նախկինում երկրի իշխանությունները բազմիցս հայտարարել են, որ ապստամբները արտասահմանից, մասնավորապես Լիբանանից, ստանում են հրազեն, որը հետագայում օգտագործում են կառավարական ուժերի դեմ մարտերում:
Ականները առավելապես տեղադրվում են լիբանանա-սիրիական սահմանի հյուսիսարևելյան հատվածում, Հոմս քաղաքին ամենամոտ տեղանքում: