ԱՄՆ Կոնգրեսի ներկայացուցիչների պալատում Իրանի հետ հարաբերություններին նվիրված լսումներ են ընթացել, որոնց ժամանակ առավելապես արծարծվել է Վաշինգտոնում Սաուդյան Արաբիայի դեսպանի` իրանցիների կողմից սպանության նախապատրաստման թեման:
Մասնակիցները քննադատել են Բարաք Օբամային այս հարցում ոչ կոշտ դիրքորոշման համար, նաև առաջարկել են համարժեք պատասխան տալ Թեհրանի գործողություններին:

ԱՄՆ պետքարտուղար Հիլարի Քլինթոնը BBC News և «Ամերիկայի ձայն» լրատվական գործակալությունների պարսկական ծառայություններին տված հարցազրույցի ժամանակ Իրանի ընդդիմությանը կոչ է արել ավելի ակտիվ ձգտել միջազգային լայն աջակցության: Նրա խոսքով, իրանցիները պետք է օրինակ վերցնեն լիբիացի ապստամբներից:
Քլինթոնը նշել է, որ 2009թ. Իրանում տեղի ունեցած բողոքի ակցիաների մասնակիցները սխալ են վարվել` հրաժարվելով աջակցություն փնտրել երկրից դուրս:

Այս գործընթացին առչվող հարցերի քննարկման նպատակով հոկտեմբերի 27-ին երկրորդ անգամ Թբիլիսի կժամանի Հարավային Կովկասի և Կենտրոնական Ասիայի պետություններում ՆԱՏՕ-ի գլխավոր քարտուղարի հատուկ ներկայացուցիչը: Դաշինքի բարձրաստիճան ներկայացուցչի այցի առիթով արդեն իսկ կայացել է Վրաստանի փոխարտգործնախարարի մամուլի ասուլիսը:

Լիբիական հեղափոխությունը թերևս ամենամեծ նվերը եղավ «Ալ Քաիդային», որը, արևմտյան մամուլի պնդմամբ, դեռ մարտ-ապրիլ ամիսներին, թալանելով անտերության մատնված զինապահեստները, սկսեց տիրանալ խորհրդային արտադրության մեծաքանակ դյուրակիր զենիթահրթիռային համալիրների, այդ թվում նաև «Игла-С» կայանքներին (կամ դրանց չինական նմանօրինակներին), որոնց առկայությունը Քադաֆիին հավատարիմ ուժերի մոտ ապշեցրել էր ամերիկացիներին:

Ռուսական հետախուզական ծառայությունների պնդմամբ, գնդապետի սպանվելուց հետո վարձկանները կարող են հայտնվել Հյուսիսային Կովկասում, «ուր տեղի գրոհայիններն անհամբերությամբ սպասում են նրանց»:
Ռուսաստանի դաշնային անվտանգության ծառայությունը մտավախություն ունի, որ Լիբիայում կենտրոնացած իսլամիստ արմատական գրոհայիններից շուրջ երեք հազարը Դաղստանում, Չեչնիայում և այլուր կդառնան «անտառային եղբայրներ»:

Քրդական բանվորական կուսակցության գրոհայինների դեմ զինվորական ավիացիայի աջակցությամբ իրականացվող ցամաքային գործողության շրջագիծն արդեն ընդգրկում է Հյուսիսային Իրաքի հինգ շրջաններ:
Քուրդ գրոհայինները հոկտեմբերի լույս 19-ի գիշերը սահմանամերձ Խաքյարի գավառում իրականացրած հարձակման ընթացքում ոչնչացրել էին 24 և վիրավորել 18 թուրք զինծառայողների: Եվրամիության կողմից ահաբեկչական համարվող այս կազմակերպության նպատակն է Թուրքիայի հարավ արևելքում ստեղծել քրդական ինքնավարություն:

Այսօր առավոտյան քուրդ գրոհայինները Թուրքիայի հարավ-արևելքում հարձակվել են զինվորական մի քանի պահակակետերի վրա, ինչի արդյունքում, ըստ Reuters գործակալության, զոհվել են թուրք 21 զինծառայողներ: Թուրքական Hurriyet-ը գրում է 24 զոհի և բազմաթիվ վիրավորների մասին: Միաժամանակ հարձակման է ենթարկվել 8 պահակակետ, որոշ տեղերում բախումները շարունակվել են մի քանի ժամ: