Զինվորի համար նախատեսված առաջին մեդալը հիմնել է անգլիական բուրժուական հեղափոխության գործիչ Օլիվեր Կրոմվելը (1599-1658)։
1650 թ. թագավորական բանակի դեմ տարած հաղթանակի առիթով նա կարգադրեց մեդալով պարգեւատրել ոչ միայն իր բանակի սպաներին, այլեւ աչքի ընկած շարքային զինվորներին։ Մեդալները ձուլվել էին ոսկուց, արծաթից ու պղնձից, եւ դրանց վրա դրոշմված պատկերները նույնպես սահմանել էր Կրոմվելը։ Մեդալների դիմային կողմի վրա նա հրամայել էր դրոշմել հենց իր դիմաքանդակը, իսկ հակառակ կողմում պառլամենտի «նիստը»։ Սակայն Անգլիայում միապետության վերականգնումից հետո երկար ժամանակ «չհիշեցին» շարքային զինվորին։

Տավուշի մարզում տեղակայված զորամասի ժամկետային զինծառայող Արա Մարգարյանը նամակ էր հղել «Հայ զինվորի» խմբագրությանը. «Մամուլից տեղեկացա, որ երգիչ Մարթեն Յորգանցը Հայաստանում է: Իմ մանկության ամենասիրելի ու բարի երգերը նրա անվան հետ են կապված: Մայրս ասում էր` եթե ծուլություն անես, Ճկույթիկի պես փոքրիկ կմնաս (հիշեք Յորգանցի հայտնի երգը): Մարթեն Յորգանցն է ինձ սովորեցրել հայկական այբուբենը` իր հրաշալի երգով…. Վաղուց չեմ լսել Մարթեն Յորգանցի երգերը….. շատ կուզենայի իմանալ՝ ինչպե՞ս է նա, ինչո՞վ է զբաղված… Կուզենայի մանրամասներ իմանալ նրա կենսագրությունից: Ես կարդացել եմ, որ նա Ֆրանսիայում չի ծնվել, այլ Թուրքիայում…»:
Կատարելով մեր սահմանապահ զինվորի խնդրանքը, ֆրանսահայ երգիչ ՄԱՐԹԵՆ ՅՈՐԳԱՆՑԻՆ հյուընկալեցինք «Հայ Զինվոր» թերթի հյուրասրահում:

Մեր բանակն է սա՝
Ելած պատմության էջերից հայոց,
Եվ Տիգրան Մեծի ձեռքի հպումով՝
Ընկած առջեւից իր ժողովրդի,
Տանում է նոր դար
Կանթեղն հինավուրց՝
Հայոց սահմանը իր լույսով հսկող։

Հայաստանի գիտությունների ակադեմիայի առաջին նախագահ, հռչակավոր Էրմիտաժի երկարամյա տնօրեն, աշխարհաճանաչ գիտնական-արևելագետ Հովսեփ Օրբելու գիտական և քաղաքացիական սխրանքը վաղուց քրեստոմատիական արժեք է ձեռք բերել: Նա հայ ժողովրդին և աշխարհին պարգևեց հնագիտական, աղբյուրագիտական, բարբառագիտական մնայուն աշխատանքներ:

-Անդո՛, հարամ ուտես, դու էդքան վախկո՞տ ես, որ ճանճից է՞լ ես վախենում,- պապի ձայնն էր՝ մի քիչ սրտնեղած, մի քիչ զայրացած, մի քիչ ձեռ առնող: – Անդո՛, դու տղամարդ ես, ախր: Տղամարդը ճանճից չի վախենա, ճանճն ի՞նչ է՝ մեղր տվող, կյանքն իր Ստեղծողի կամքով մարդու համար գրավ դրած միջատ, ու դու վախենո՞ւմ ես դրանից:

Դեկտեմբերի 14-ին Լոնդոնում կայացած «Միսս Աշխարհ- 2014» գեղեցկության մրցույթում հաղթել է Հարավաֆրիկյան Հանրապետությունը ներկայացնող Ռոլեն Շտրաուսը, ում հաջորդում են Հունգարիայի և ԱՄՆ-ի ներկայացուցիչները:
Հայտնի է, որ 22-ամյա հաղթողը երազում է դառնալ բժիշկ և այժմ սովորում է բժշկական ֆակուլտետի 4-րդ կուրսում: Ազատ ժամանակ գեղեցկուհին զբաղվում է ընթերցանությամբ և գոլֆ է խաղում:
«Բառերն անզոր են նկարագրելու, թե որքան երջանիկ եմ զգում ինձ հիմա: Դա և՛ մեծ պատիվ է, և՛ պատասխանատվություն: Հուսով եմ, որ ինձնով կհպարտանան: Ես սիրում եմ քեզ, Հարավային Աֆրիկա»,- բաղձալի թագը ստանալուց հետո գրել է Շտրաուսը:

Ավստրիայի Փոլթեն քաղաքի ուսուցիչ Ռոբերտ Կլիմենտը 1988թ. դեկտեմբերի 7-ին կործանիչ երկրաշարժից հետո առաջիններից մեկն էր, որ հասավ Լենինական, ականատես եղավ այն ամենին, ինչ կատարվել էր քաղաքում հաշված վայրկյանների ընթացքում: Վերադարձավ Ավստրիա եւ Վիեննայում հրատարակեց «Լենինականի մանուկները» վերնագրով գիրքը՝ քաղաքի երեխաների ճակատագրերի մասին: