ՊԱՀԵՍՏԱԶՈՐԱՅԻՆՆԵՐԻ ՀԱՎԱՔՆԵՐԻ ՆԱԽԱՊԱՏՐԱՍՏԱԿԱՆ ԱՇԽԱՏԱՆՔՆԵՐՆ ՍԿՍՎԵԼ ԵՆ

Այս օրերին ԶԶՀԾ տարածքային ստորաբաժանումները ծանուցագրեր են ուղարկում  պահեստազորում հաշվառված շարքային և սպայական կազմին՝ գարնանը մեկնարկող քսանհինգօրյա վարժական հավաքներին մասնակցելու համար։ ՊՆ զորակոչային և զորահավաքային համալրման ծառայությունը պահեստազորայիններին տրամադրում է պոլիկլինիկաներում բուժզննություն անցնելու ուղեգրեր։ Նրանք փուլ առ փուլ մեկնելու են զորամասեր, որտեղ կանցնեն կարճատև պատրաստություն։ Հավաքներին ներգրավվում են մասնավոր սեկտորի և պետական կառույցների աշխատակիցներ։ Պահեստազորի սպաները կանցնեն մարտական պատրաստության դասընթացն ու կկարողանան սպայական մեկ աստիճան բարձր կոչում ստանալ։