ԶԻՆՎԱԾ ԲԵԴՎԻՆՆԵՐԸ ԳՐԱՎԵԼ ԵՆ ԵԳԻՊՏԱԿԱՆ ԱՌՈՂՋԱՐԱՆԸ

Զինված բեդվինների խումբը գրավել է Սինայի թերակղզում՝ եգիպտական Թաբի քաղաքից 30 կիլոմետր հարավ գտնվող «Aqua Sun» առողջարանային համալիրը: Պատանդ վերցնելով համալիրի մի քանի աշխատակիցների, այդ թվում նաև տնօրենին, նրանք պահաջում են 4 միլիոն եգիպտական ֆունտ` շուրջ 663.000 ԱՄՆ դոլար փրկագին, հակառակ դեպքում սպառնալով ավերել առողջարանն ու թալանել բուժսարքավորումները:

Առողջարանի տերը պահանջել է գրոհով վերցնել համալիրը, սակայն Եգիպտոսի անվտանգության ուժերը հայտարարել են, որ առանց խնդիրն Իսրայելի հետ համաձայնեցնելու, չեն կարող դիմել զինված գործողության: