ՈՐՈՇՎԵԼ ԵՆ ՌՈՒՍԱԿԱՆ ԱՌԱՋԻՆ ԵՐԿՈՒ «ՄԻՍՏՐԱԼՆԵՐԻ» ԱՆՈՒՆՆԵՐԸ

Նրանք կկրեն «Վլադիվոստոկ» և «Սևաստոպոլ» անունները: Փետրվարի 1-ին Ֆրանսիայի Սան-Նազիրեի նավաշինարանում կատարվել է առաջին նավի հիմնարկեքը, որը ֆրանսիացիներն անվանում են «նավի իրանի մետաղի առաջին կտրում»: Այս նավը երեք տարի անց կընդգրկվի մարտական հերթապահությունում, սակայն չի նշվում, թե որ նավատորմին կտրվի այն: ՌԴ պաշտպանության նախարար Անատոլի Սերդյուկովն ավելի վաղ հայտարարել էր, թե «Միստրալները» կհատկացվեն Խաղաղօվկիանոսյան նավատորմին: