ՆԱՏՕ-Ի ՀՀՊ ՀՐԱՄԱՆԱՏԱՐԱԿԱՆ ԿԵՏԸ ԿՏԵՂԱԿԱՅՎԻ ԳԵՐՄԱՆԻԱՅՈՒՄ

Եվրոպայում ՆԱՏՕ-ի հակահրթիռային պաշտպանության համակարգի հրամանատարական կենտրոնը կտեղակայվի Գերմանիայում գտնվող ամերիկյան Ռամշտեյն ռազմական բազայում: Կենտրոնը իր աշխատանքները կսկսի մայիսին կայանալիք հյուսիսատլանտյան դաշինքի գագաթաժողովից հետո:

Գերմանիայի պաշտպանության նախարար Թոմաս դե Մեյզերը դաշինքի անդամ պետությունների իր գործընկերների հետ հանդիպմանը ասել է, թե ՀՀՊ համակարգը Մերձավոր Արևելքի երկրներից և հատկապես Իրանից պաշտպանվելու համար է: Նա անհրաժեշտության դեպքում հնարավոր է համարել նաև Գերմանիայում տեղակայված Patriot համալիրների ինտեգրումը այդ համակարգին: