ՌՈՒՍ ԴԵՍԱՆՏԱՅԻՆՆԵՐԸ ՄԵԿՈՒԿԵՍ ՏԱՐՈՒՑ ԿՈՒՆԵՆԱՆ «ԱՊԱԳԱՅԻ ՀԱՆԴԵՐՁԱՎՈՐՈՒՄ»
Այդ մասին լրագրողներին հայտնել է ՌԴ օդադեսանտային զորքերի հրամանատար, Ռուսաստանի հերոս, գեներալ-լեյտենանտ Վլադիմիր Շամանովը, որ հայտարարել է, թե միանգամայն իրատեսական է մեկուկես տարի անց ռուսական արտադրության նման հանդերձանքի մատակարարումը, որով առաջին հերթին կհանդերձավորվեն զորատեսակի հետախուզական ստորաբաժանումները, ապա առաջին հերթին մարտական գործողություններում ներգրավվելու և ինքնավար գործելու համար նախատեսված գումարտակները:
ՌԴ պաշտպանության նախարարի նախկին տեղակալ Վլադիմիր Պոպովկինը մեկ տարի առաջ հայտնել էր Ֆրանսիայից սահմանափակ քանակությամբ «Felin» հանդերձանք գնելու մասին, բայց արդեն տարեվերջին ՌԴ զինված ուժերի գլխավոր շտաբի պետը հայտարարեց հայրենական արտադրության հանդերձանքի մշակման մասին: Ներկայում հանդերձանքի բաղադրիչներից արդիականացվում են «ԳԼՈՆԱՍՍ» համակարգի հետ կապի միջոցները, որոնք թույլ կտան մեծ ճշգրտությամբ որոշել տեղանքում յուրաքանչյուր մարտական մեքենայի ու զինվորի գտնվելու վայրը:
Խորագիր՝ Նորություններ, Ռազմական
