ՄԱՐՏԻՈՒԹՅԱՆ ՀԱՆԳԱԺՊԻՏՆԵՐ
Ինչու թույլ տամ՝ մարդս խանդի,
Որ մի օր տա տունս քանդի…
♦♦♦
Հայ կինը ոչնչից սարքում է սեղան,
Հենց դրանից էր, որ սովից չմեռան։
♦♦♦
Ասում է՝ էնքան լավ աղջիկ ունեմ,
Ձեռքս չի բռնում ամուսնացնեմ։
♦♦♦
Կինս շատ է վատացել, առաջվանը չէ,
Ախր, նա մի տեղ արդեն զոքանչ է…
♦♦♦
Կինը հոտավետ ծաղիկ է նրբին,
Կնոջը նույնիսկ ծաղկով չեն խփի…
♦♦♦
-Ամուսնուդ շատ ես խեղճացրել, մեր սիրուն։
-Ես տղամարդկանց էդ տեսակն եմ սիրում։
♦♦♦
-Հիմար խելքս ասա, որ քեզ առա։
-Դե որ սխալվել ես, տեղդ տազ արա…
♦♦♦
Ո՞նց իմացար՝ գործդ աջ է։
-Վրաս էնքան շուն է հաչել…
♦♦♦
Ժողովրդական երգեր երգեց՝ պորտը բաց,
Ժողովրդի փակ բերանը բաց մնաց։
♦♦♦
-Իմ օդային համբույրները քեզ հասա՞ն։
-Տո, դրա փոխարեն ինձ մի ջան ասա։
♦♦♦
Հիմա դա գաղտնիք չէ, կարող եմ ասել՝
Երբ կինս քնած է, տան տերը ես եմ։
♦♦♦
-Հարևան ջան, կյանքս դառն է, ի՞նչ կասես։
-Լավ կլինի մեղրեցու հետ պսակվես։
♦♦♦
-Սիրուն ջան, ես քո ջանին մեռնեմ։
-Չէ, որ մեռար, ես ո՞ւմն առնեմ։
♦♦♦
-Աղջիկդ քո շատ ծույլ ու անբան է։
-Բա դա մոր երեսին ասելու բա՞ն է…
♦♦♦
-Տեսնեմ՝ էդ մերդ ինձ խի՞ չի հավանում։
-Իրեն մամա ասա, ոչ թե զոքանչ խանում։
♦♦♦
-Քո սիրով դու ինձ խենթացրիր։
-Լավ է, դու տեղից ըտենց էիր…
♦♦♦
Դու որ այդքան սիրուն ես՝ առանց խմել,
Բա՞ որ գնամ մի երկու թաս գինի խմեմ…
♦♦♦
Որ սերդ տան մեջ աճի, ամրանա,
Կնոջդ լավ պահիր, որ տատիկ դառնա։
♦♦♦
Դու իմ սիրտը մտար քո գժության պահին,
Բայց որ սիրտ ես մտել, քեզ կարգին պահիր։
ՀՐԱՆՏ ՀՈՐԻԶՈՆ
Խորագիր՝ #09 (925) 08.03.2012 – 14.03.2012, Հոգևոր-մշակութային
