ՎԻԵՏՆԱՄԸ ԳՆՈՒՄ Է ՀԻՆ «Су-30К»-ԵՐ

Վիետնամի պաշտպանության նախարարության պատվիրակությունն օրերս այցելել է Բելառուսիայում գտնվող 558-րդ ավիանորոգման գործարան և պատրաստակամություն է հայտնել գնելու այնտեղ գտնվող «Су-30К» բոլոր 18 ծանր ռմբակոծիչները: Հին ինքնաթիռների գինն այնքան գայթակղիչ է եղել, որ վիետնամական կողմը նահանջել է բացառապես նոր մարտական տեխնիկա գնելու իր անսասան սկզբունքից:

Եթե գործարքը հաջողվի, ապա ռուսական զենքի վաճառքի ասպարեզում «Рособоронэкспорт»-ի կողմից մենաշնորհ ձեռք բերելուց ի վեր առաջին անգամ նույն երկրի շուկայում կմրցեն ռուսաստանյան երկու ավիաարտադրողներ։