ԴԵՍԱՆՏԱՅԻՆՆԵՐԻՆ ՄԱՐՏԱԿԱՆ ՄԵՔԵՆԱ Է ԱՆՀՐԱԺԵՇՏ

Ռուսաստանյան օդադեսանտային զորքերը ծրագրում են «БМД-4М» դեսանտային մարտական մեքենայի հիմքի վրա ստեղծել վերջինիս տարածական ղեկավարմամբ համալրված տարբերակը: Այդ մասին լրագրողներին հայտնել է զորատեսակի հրամանատար, Ռուսաստանի հերոս, գեներալ-գնդապետ Վլադիմիր Շամանովը: Նրա հավաստմամբ, դրանից հետո ևս աշխատանքները չեն դադարի, քանի որ իրենք քաջ պատկերացնում են տարածական կառավարման ունակություններով օժտված մարտական մեքենայի կատարելագործման հետագա հնարավորությունները: Նոր մեքենայի սպառազինությունում ընդգրկված զինատեսակները լիովին կհամապատասխանեն այժմյան ամենախիստ չափանիշներին: