ՀԱՄԱԲԱՆԱԿԱՅԻՆ 15-ՐԴ ՍՊԱՐՏԱԿԻԱԴԱՅԻ ԱՐԴՅՈՒՆՔՆԵՐԸ
Սեպտեմբերի 29-ին Վ.Սարգսյանի անվան Հանրապետական մարզադաշտում հանդիսավոր պայմաններում փակվեց համաբանակային 15-րդ սպարտակիադան։ Հինգ օր շարունակ ուժի և կամքի այս գեղեցիկ ստուգատեսում տասը մարզաձևից 400 զինծառայողներ անհաշտ, բայց և արդար մրցակցության մեջ որոշեցին ուժեղագույններին։
Թիմային հաշվարկով անգերազանցելի էր դիվիզիան, որի մարզիկները երեք մարզաձևերից` ռազմամարզական եռամարտ, բազկամարտ և կշռաքարերի բարձրացում, գրավեցին առաջին տեղը` տիրանալով նաև այդ անվանակարգերում խաղարկվող գավաթներին։
Երկրորդ մրցանակային տեղը` երկու ոսկե, երեք արծաթե և երկու բրոնզե մեդալներով, գրավեցին հրաձգային դիվիզիան ներկայացնող զինծառայողները, իսկ ուժեղագույն եռյակը եզրափակեց Վ.Սարգսյանի անվան ռազմական ինստիտուտի հավաքականը։
Սպարտակիադայի եզրափակիչ` շվեդական փոխանցումավազքի և պարանի ձգման մրցումներին ներկա էր և համաբանակային սպարտակիադայի հանդիսավոր փակումը հայտարարեց ՀՀ ԶՈՒ ԳՇ մարտական պատրաստության վարչության պետ, գեներալ-մայոր Իշխան Մաթևոսյանը։
ՍԱՄՎԵԼ ՀԱՐՈՒԹՅՈՒՆՅԱՆ
Լուս.՝ ԱՐԵԳ ՎԱՐԴԱՆՅԱՆԻ
