«ԿԱՐՈՂ ԵՔ ՀՊԱՐՏԱՆԱԼ ՁԵՐ ԶԱՎԱԿՈՎ»

Գրող, հրապարակախոս, երջանկահիշատակ Սասունիկ Թորոսյանի անունը հայտնի է ինչպես մեր գրասեր հասարակությանը, այնպես էլ հայոց բանակի զինծառայողներին: Նրա ակնարկները, հոդվածները, պատմվածքները, հանրապետության մամուլից զատ, բազմիցս տպագրվել են ՀՀ ՊՆ «Հայ զինվոր» թերթում: Սասունիկ Թորոսյանի ստեղծագործության ամեն մի տող, նկարագրություն, բառ հայրենագիտությամբ ու հայրենասիրությամբ է ներծծված:

Այսօր հայոց բանակի զինվոր է Սասունիկի առաջնեկ, ավագ թոռը` Արամ Թորոսյանը: Դեռ ուսումնական շրջանում ծնողներին` Արգիշտի և Ալվիտա Թորոսյաններին զորամասի հրամանատարությունն ուղարկեց շնորհակալական նամակ.

«Հարգելի տեր և տիկին Թորոսյաններ

Հարգանքներով`
ԶՈՐԱՄԱՍԻ ՀՐԱՄԱՆԱՏԱՐ
ԶՈՐԱՄԱՍԻ ՀՐԱՄԱՆԱՏԱՐԻ ԱՀՏԱ ԳԾՈՎ ՏԵՂԱԿԱԼ»

Այն, որ Արամ Թորոսյանն իսկապես Սասունիկ պապի արժանի թոռնիկն է, ծնողների արժանի զավակը և Հայրենիքի արժանի զինվորը` հայրենասեր հայորդի, վկայում է նաև երդման արարողության ժամանակ նրա արտասանած խոսքը.

«Այսօր մեզ` նորակոչիկներիս համար հանդիսավոր և նշանակալից իրադարձություն է. բանակային կյանքում մեր ներգրավումը, հայրենիքի պաշտպանի կոչմանն արժանանալն ու այն պատվով կրելը ամրագրվեց ու արձանագրվեց զինվորական երդման արարողությամբ։

Հպարտության ու պատասխանատվության գիտակցումով պիտի փաստենք, որ մեզ բախտ է վիճակվել հայրենանվեր ծառայություն իրականացնել ՀՀ զինված ուժերում։

Մեր ավագ սերունդն իր արյամբ ու օրինակելի քաջագործությամբ երաշխիքներ ստեղծեց մերօրյա խաղաղության ու ազատության համար։ Ուստի մենք պարտք ունենք նրանց սուրբ հիշատակի առաջ, մենք պիտի ամեն գնով անսասան պահենք հայրենիքի սահմանները։

Կեցցե՛ հայ զինվորը, կեցցե՛ հայկական բանակը, կեցցե՛ն մեր ծնողները, որ մեզ հասցրել են կյանքի կարևորագույն այս փուլին` հայրենիքի պաշտպանությանը, որն ամենավսեմն է ամեն մի հայի համար»։

Գ.ՇԱՀՆԱԶԱՐՅԱՆ