ՓՈՐՁԱՐԿՎԵԼ Է ԼԱԶԵՐԱՅԻՆ ԶԵՆՔ

ԱՄՆ ռազմածովային ուժերը փոքր նավերից պաշտպանվելու համար նախատեսված լազերի փորձարկումներ են անցկացրել: 2010թ. հոկտեմբերից մինչև այս տարվա ապրիլ փորձարկումներն անցկացվել են բաց ծովում, Կալիֆոռնիայի ափերից քիչ հեռու գտնվող ծովային զորավարժարանում: Դրանց ընթացքում հաջողվել է այրել նավ-թիրախը: Նախնական տվյալները հաստատել են, որ լազերային նոր կայանը կարող է կիրառվել իբրև զենք: Նախատեսվում է փորձարկումների ավարտից հետո լազերային զենքի ստեղծման մրցույթ հայտարարել: