ՆԱԽԱՐԱՐԻ ՓՈՍՏԱՐԿՂԻՑ
Մեծարգո Սեյրան Մուշեղի
Ուշիուշով հետևելով մեր ազատ ու անկախ Արցախում կազմակերպված զորավարժություններին, կրկին ու կրկին ապրեցի հպարտություն մեր հզոր բանակի մարտունակության համար:
Միաժամանակ ցնցվեցի, երբ իմացա, որ ադրբեջանցիները խոցել են մեր ռազմական ուղղաթիռը, որի հետևանքով զոհվել են երեք երիտասարդ օդաչուները:
Հպարտությանս չափ ու սահման չկա, որ կարողացաք վտանգավոր գոտուց դուրս բերել մեր նահատակներից երկուսի մասունքները և մեկի դին: Դուք խիզախությամբ ապացուցեցիք, որ հայ զինվորը երբեք քնած մարդուն չի կացնահարի, (ինչը հատուկ է մեր գազանաբարո հակառակորդի էությանը), այլ կմարտնչի բաց ճակատ՝ ծնկի բերելով թշնամուն:
Դուք Ձեր խիզախությամբ ցուցաբերեցիք նաև Ձեր հայրենանվեր գործունեությունը:
Մաղթում եմ Ձեզ քաջառողջություն, երկար տարիների կյանք: Ի սրտե ասում եմ` փառք ու պատիվ Ձեզ ևս մեկ անգամ Ձեր անչափ դժվարին ու պատվավոր գործում:
ԷԼՄԻՐԱ ԱՂԱՅԱՆ
պահեստազորի գնդապետ
