ՇՏԱԲԱՅԻՆ ՄԱՐԶՈՒՄՆԵՐ

ՀՀ ՊՆ առաջին բանակային կորպուսում տեղի ունեցան երկօրյա շտաբային մարզումներ, որի նպատակն էր ստուգել գնդապետ Տիգրան Փարվանյանի հրամանատարությամբ գործող զորամիավորման կառավարման համակարգը, առանձին մարմինների պատրաստության աստիճանն ու ունակությունները:

Մարզումների թեման  պաշտպանական գործողության նախապատրաստումն էր: Կիրառման շրջանում և զորամիավորման շտաբում ԲԿ վարչակազմը, ենթակա զորամասերի հրամանատարներն ու նրանց տեղակալները, զորատեսակների ծառայությունների պետերը մասնակցեցին տեղազննմանը: Ընթացքում նրանք հանդես եկան զեկույցներով, կատարեցին խնդիրների ճշգրտում, ապա` տեղանքի մանրակերտի վրա նախանշվեց  փոխգործակցությունը:

Մարզումների արդյունքում էականորեն բարելավվեցին զորամիավորման շտաբի և ստեղծված աշխատանքային խմբերում ընդգրկված սպաների՝ զորքին մարտական խնդիրներ առաջադրելու, համակողմանի ապահովում  կազմակերպելու, ինչպես նաև գործողություն պլանավորելու,  զորամիավորման կառավարման մարմինների ներդաշնակ աշխատելու  գործնական հմտությունները:

Շտաբային մարզումները ղեկավարում էր զորամիավորման հրամանատար, գնդապետ Տիգրան Փարվանյանը:

Վաչե ՄԿՐՏՉՅԱՆ