ՌՈՒՍԱԿԱՆ ՍՏՈՐՋՐՅԱ ԱՊԱՐԱՏԸ ՍՈՒԶՎԵԼ Է 6270 ՄԵՏՐ

Հյուսիսային Ատլանտիկայում հաջողությամբ ավարտվել են «Կոնսուլ» ինքնաբավ ստորջրյա ապարատի պետական փորձարկումները, ապարատը սուզվել է 6270 մետր:

«Կոնսուլ»-ը կառուցվել է Ռուսաստանի պաշտպանության նախարարության պատվերով և նախատեսված է ստորջրյա տեխնիկական, վթարային-փրկարարական աշխատանքների անցկացման, ջրի տակ փարոսների տեղադրման, մինչև 200 կգ քաշով սարքավորումների տեղափոխման համար: Ապարատի իրանը պատրաստված է տիտանի բարձր ամրության համաձուլվածքից:

2011թ. վերջին նախատեսվում է ստորջրյա ապարատն ընդունել ՌԴ ռազմածովային նավատորմի սպառազինության մեջ: