ՍԿՍՎԵԼ Է «ԾՈՎԱԿԱԼ ԷՍՍԵՆԻ» ԿԱՌՈՒՑՈՒՄԸ
Կալինինգրադի «Յանտար» նավաշինական գործարանում սկսվել է «Ծովակալ Էսսեն» ֆրեգատի կառուցումը: Ռազմանավը Ռուսաստանի ռազմածովային նավատորմի կազմի մեջ կմտցվի 2014թ. և կտեղակայվի Սև ծովում:
Ծովակալ Էսսենը, ում անունով կոչվել է ֆրեգատը, 1904-1905թթ ռուս-ճապոնական պատերազմի ժամանակ հածանավի, ապա «Սևաստոպոլ» նավախմբային զրահանավի հրամանատարն է եղել: Հրաժարվել է գերի հանձնվել ճապոնացիներին և ամերիկյան տարածքով վերադարձել է Ռուսաստան: Մասնակցել է Բալթյան նավատորմի վերակազմավորմանը, որն էլ ղեկավարել է 1914-1915թթ., մինչև իր մահը:
