ԱՄՓՈՓԻՉ ՍՏՈՒԳՈՒՄՆԵՐ
Զինված ուժերի պատրաստության պլանի համաձայն` բանակային զորամիավորումների ենթակա զորամասերում անցկացվում են ամփոփիչ ստուգումներ:
1-ին բանակային զորամիավորման վարչակազմը` զորամիավորման հրամանատար, գեներալ-մայոր Տիգրան Փարվանյանի գլխավորությամբ, սահմանված ժամկետում իրականացվող ստուգումների պահանջով ենթակա բոլոր զորամասերում ամփոփում է ինչպես մարտական պատրաստականության և պատրաստության, զորքերի ծառայության, զինվորական կարգապահության և բարոյահոգեբանական ապահովման, այնպես էլ թիկունքային ապահովման ուղղությամբ ձեռնարկված միջոցառումների արդյունքները:
Տեսական ու գործնական պարապմունքների միջոցով ստուգող հանձնաժողովները գնահատում են նաև զինծառայողների մարտավարա-մասնագիտական գիտելիքները, ստորաբաժանումների մարտական, կրակային, ֆիզիկական, զորահավաքային և տեխնիկական պատրաստվածության աստիճանը:
