ՎՐԱՑԱԿԱՆ ԼԵՌՆԱՈՒՍՈՒՄՆԱԿԱՆ ԿԵՆՏՐՈՆՈՒՄ ԿՈՒՍՈՒՑԱՆԵՆ ՆԱՏՕ-Ի ԶԻՆԾԱՌԱՅՈՂՆԵՐԻՆ

Սաչխերիայի ռազմական լեռնաուսումնական կենտրոնին շնորհվել է Հյուսիսատլանտյան դաշինքի չափանիշներին համապատասխանության հավաստագիր: Ուսումնական կենտրոնի հրահանգիչները, որոնց երեք տարի ուսուցանում էին ֆրանսիացիները, այժմ կարող են կազմակերպել դաշինքի անդամ պետությունների զինծառայողների ուսուցումը:

Կովկասում առայժմ միակ նմանատիպ ռազմաուսումնական կենտրոնում մոտ առաջիկայում կկազմակերպվեն զորավարժություններ Լեհաստանի, Չեխիայի, Լիտվայի ու Էստոնիայի զինծառայողների մասնակցությամբ: