ՄԱՏՈՒՌԻ ԲԱՑՈՒՄ
Գնդապետ Կարեն Սեդրակյանի հրամանատարությամբ գործող զորամասում օրերս տեղի ունեցավ մատուռի բացման արարողություն: Մատուռն օծեց Մեղրիի Մեծ թաղի Ս. Աստվածածին եկեղեցու քահանա տեր Ռաֆայել Խաչիկյանը:
Զորամասի հրամանատարն իր խոսքում նշեց, որ մատուռի կառուցման մտահղացումն իրականություն է դարձել զորամասի, համայնքային իշխանությունների և անհատ ձեռներեցների համատեղ ջանքերով:
Զորամիավորման հրամանատար, գնդապետ Վալերի Քոչարյանի գնահատմամբ՝ այս մատուռը զորամասի գալիք հաջողությունների և հաղթանակների վկան կլինի: Նա վստահություն հայտնեց, որ անձնակազմը առաջընթաց կգրանցի պատրաստության գործընթացում արդեն «Սուրբ Գևորգ» անունը կրող մատուռի խաչի հովանու ներքո:
Մատուռի կառուցման ու շինարարական աշխատանքներին աջակցելու համար մի շարք քաղաքացիներ պարգևատրվեցին շնորհակալագրերով:
4-րդ զորամիավորման թղթակցական կետ
Խորագիր՝ #50 (1170) 21.12.2016 - 27.12.2016, Ազգային բանակ, Հոգևոր-մշակութային
