KA 52 ALLIGATOR
Հիմնական
մարտավարատեխնիկական տվյալներ
Երկիր Ռուսաստան
Տեսակ Բազմաֆունկցիոնալ ուղղաթիռ
Առաջին թռիչքը 1997թ.
Առավելագույն թռիչքային քաշը 10400 կգ
Թռիչքային հեռավորությունը 1200կմ
Թռիչքային բարձրությունը 5500 մ
Առավելագույն արագությունը 300 կմ/ժ
Անձնակազմը 2 մարդ
Կա-52 (ՆԱՏՕ-ի դասակարգումով Hokum B, ինչպես նաեւ հայտնի Ալիգատոր անունով) Ռուսական բազմաֆունկցիոնալ հարվածային ուղղաթիռ է: 1984թ. երբ դեռ ընթանում էին Բ-80-ի եւ Մի-28-ի համեմատական փորձարկումները, Ն.Ի. Կամովի անվան տեխնիկական կենտրոնը հանդես եկավ առաջարկությամբ` ստեղծել նոր ուղղաթիռ` օպտիկաէլեկտրոնային եւ ռադիոլոկացիոն սարքավորումներով, որը պետք է հետախուզում կատարի, միաժամանակ հանդես գա որպես հարվածային ուղղաթիռ: Այնինչ 1980-90-ական թթ. երկրում հայտնի լուրջ ֆինանսական խնդիրները զգալիորեն կանգնեցրին այս ծրագրի իրագործումը:
Գլխավոր կոնստրուկտոր Միխեեւի որոշմամբ` Կա-50-ի կառուցվածքային փոփոխությունների հիման վրա ստեղծվեց նոր մեքենա, նոր արտաքինով եւ վերը նշված մարտական հատկանիշներով: Այս նոր մոդելը կոչվեց Կա-52 «Ալիգատոր»: Կա-52-ը երկփեռանի ուղղաթիռ է: Այն ընդունակ է ոչնչացնել սովորական եւ զրահապատ տեխնիկա, ռազմական գործողություններ կատարել գիշերով, ղեկավարել այլ մարտական թռչող սարքեր: 2008թ. սկսվեցին ԿԱ-52-ի թռիչքային փորձարկումները: Ներկայումս այն սահմանափակ թվով գտնվում է Ռուսաստանի Դաշնության սպառազինության շարքերում: Մասնագետների խոսքով` այն շատ արդյունավետ ուղղաթիռ է, սակայն կիրառում չի ունեցել եւ իր կարողությունները ցուցաբերելու հնարավորություն չի ստացել:
