ԻՐԱՆԸ ՓՈՐՁԱՐԿԵԼ Է ՆՈՐ ՌԱԴԱՐԱՅԻՆ ՀԱՄԱԿԱՐԳ

Իրանում հաջողությամբ փորձարկվել է հեռահար գործողության շառավղով ռադարային համակարգի նոր մոդելը: Նոր համակարգը կկարողանա թիրախներ հայտնաբերել մի քանի հազար կմ հեռավորության վրա:
Մի քանի տարի հետո այն կընդունվի սպառազինության:

Այս տարվա հունիսին Իրանի օդատիեզերական զորքերի հրամանատար գեներալ Ամիր Ալի Հաջիզադեն արդեն հայտնել էր, որ իրենք սկսում են կիրառել Ghadir ռադարային համակարգեր: Մինչև 1,1 հազար կմ հեռավորության այն կարող է հայտնաբերել բալիստիկ հրթիռներ, ինքնաթիռներ, ցածր թռչող արբանյակներ:

Իրանցի մասնագետների կարծիքով երկիրը տիրապետում է նոր սերնդի ռադարների արտադրության համար անհրաժեշտ առաջավոր տեխնոլոգիաների: