ՍՏՈՐԱԳՐՎԵԼ Է ՀԱՅ-ՖՐԱՆՍԻԱԿԱՆ ՀԱՄԱԳՈՐԾԱԿՑՈՒԹՅԱՆ 2018Թ. ԾՐԱԳԻՐԸ
Մարտի 16-ին ՀՀ պաշտպանության նախարարության պաշտպանական քաղաքականության վարչության պետ Լևոն Այվազյանը և ՀՀ–ում Ֆրանսիայի ռազմական կցորդ, գնդապետ Օլիվիեր Մադյոն ստորագրել են պաշտպանության բնագավառում հայ–ֆրանսիական երկկողմ համագործակցության 2018թ. ծրագիրը: Այն նախատեսում է ռազմական կրթության, վերապատրաստումների, ֆրանսերեն լեզվի պատրաստության, ինչպես նաև ռազմաբժշկության, կիբերանվտանգության, ինժեներական և այլ ոլորտներում փորձի փոխանակման ծրագրերի իրականացում Հայաստանում և Ֆրանսիայում:
Հանդիպման ընթացքում նաև պայմանավորվածություն է ձեռք բերվել խաղաղապահության բնագավառում համագործակցության խորացման ուղղությամբ:
